+7 (777) 001 44
99
Ширек финалда қазақстандық жұлдызды боксшы Мысыр өкілі Әли Ас-Сараимен жұдырықтасты.
Сабырхан кездесудің алғашқы минуттарынан бастап шабуылға көшіп, басымдығын арттыра түсті. Бір минут өткеннен кейін ол қарсыласының денесіне ауыр соққы бағыттап, нокдаунға түсірді. Қарсыласы орнынан тұра алмады, осылайша жекпе-жек мерзімінен бұрын аяқталды.
Бұл жеңіс Төрехан Сабырханға Азияданың кем дегенде қола жүлдесін иеленуге мүмкіндік берді, өйткені турнирде үшінші орын үшін талас өткізілмейді.
Естеріңізге сала кетейік, 1/8 финалда Төрехан Сабырхан Қатар өкілі Мохаммед Дбичимен кездескен болатын. Жекпе-жек толық аяқталып, қазақстандық боксшы 5:0 есебімен айқын басымдықпен жеңіске жетті.
Instagram-дағы бұл жарияланымды көру
Төрехан Сабырхан - әлем чемпионы
Айта кетейік, Төрехан Сабырхан 2025 жылы Қазақстан құрамасы сапында дебют жасап, қыркүйек айында Ливерпульде (Англия) өткен әлем чемпионатында алтын медаль жеңіп алды.
Турнирдің финалында оның қарсыласы жапониялық 2021 жылғы әлем чемпионы - Сэвон Окадзава болды. Жекпе-жек қорытындысы бойынша Төрехан Сабырхан төрешілердің бөлек шешімімен (3:2) жеңіске жетіп, алтын медаль иеленді.
Instagram-дағы бұл жарияланымды көру
Айта кетейік, бүгін, 28 қыркүйекте Азияданың ширек финалында Төреханның туған ағасы, әлемнің екі дүркін чемпионы Махмұд Сабырхан да өнер көрсетеді. Оның қарсыласы оңтүстіккореялық Жаенг Шин болмақ.
Instagram-дағы бұл жарияланымды көру
Естеріңізге сала кетейік, бұған дейін турнирдің жартылай финалына әйелдер құрамасының мүшелері - Алуа Балқыбекова және Наталья Богданова жолдама алған болатын.
