Елена Рыбакина US Open-дегі жеңісінен кейін тағы бір марапатқа ие болды

Фото: instagram.com/lenarybakina

Қазақстандық әлемнің бірінші ракеткасы Елена Рыбакина US Open турниріндегі жеңісі мен WTA рейтингінде көш бастағаннан кейін жанкүйерлеріне үндеу жасады, деп хабарлайды Tengri Sport.

Әйелдер теннисі қауымдастығының (WTA) баспасөз қызметі АҚШ ашық чемпионатының жаңа чемпионы әрі әлемнің бірінші ракеткасы, қазақстандық Елена Рыбакинаның видеосын жариялады. Теннисші WTA жүлдесін ұстап тұрып, жанкүйерлеріне қолдау көрсеткені үшін алғыс айтты.

Анықтама: Жұлдызшасы бар теннис добы пішініндегі күміс жүлде спортшыларға әлемнің бірінші ракеткасы мәртебесіне қол жеткізгені үшін беріледі.

"Сәлем, бұл Елена. Мұндай жетістікке жеткеніме өте қуаныштымын. Бұл ғажайып сапар, ұмытылмас естелік болды, әрі бұл тек бастамасы деп үміттенемін. Барлығыңызға рақмет", - деді Елена Рыбакина.

Instagram-дағы бұл жарияланымды көру

WTA (@wta) жарияланымы

Рыбакина әлемнің бірінші ракеткасы атанды

Бұған дейін US Open жартылай финалына шыққаннан кейін Рыбакина WTA-ның live-рейтингінде Арина Соболенконы басып озған еді, ал 14 қыркүйектен бастап Қазақстан тарихында алғаш рет әлемнің бірінші ракеткасы пайда болды.

Бұған дейін Рыбакина бұл тарихи жетістіктің ел үшін маңызы туралы әлеуметтік желіде пікір білдірген.

Instagram-дағы бұл жарияланымды көру

Elena Rybakina 🐠 (@lenarybakina) жариялаған жазба

Рыбакина Соболенконы "тақтан" тайдырды

Еске сала кетейік, АҚШ ашық чемпионатының финалында Елена Рыбакина US Open-нің қазіргі чемпионы беларусьтік Арина Соболенконы 6:4; 5:7; 6:2 есебімен жеңген болатын.

Қазақстандық теннисші үшін бұл жеңіс Үлкен дулыға сериясындағы үшінші титул болды (бұған дейін 2022 жылы Уимблдонды және 2026 жылы Australian Open-ді жеңіп алған).

Instagram-дағы бұл жарияланымды көру

Elena Rybakina 🐠 (@lenarybakina) жариялаған жазба

Қазіргі уақытта Рыбакинаның әлемдік рейтингте екінші орындағы Арина Соболенкодан басымдығы 2026 ұпай болып отыр. Жыл аяғына дейін бірінші сатыда қалу үшін қазақстандық теннисшіге Азиядағы турнирлер сериясында, әсіресе WTA қорытынды турнирінде сәтті өнер көрсету қажет.