Қазақстандық теннисші Токиодағы (Жапония) турнирдің 1/4 финалына қатысудан бас тартты. Оның қарсыласы канадалық Лейла Фернандес жартылай финалға шықты.
Қазақстандық әлемнің бірінші ракеткасы стадионға жиналған көрермендердің алдына шығып, олардан кешірім сұрады.
"Ең алдымен, бүгін келгендеріңіз үшін бәріңізге алғыс айтқым келеді. Өкінішке қарай, мен ойнай алмаймын. Кейінгі екі күнде кішігірім жарақат мазалап жүр, сондықтан қазір кортқа шығып, үздік ойынымды көрсету маған қиынға соғады. Оның үстіне алда өте маңызды турнир күтіп тұр. Келгендеріңіз бен қолдауларыңыз үшін алғыс білдіремін", - деді ол.
Елена Рыбакина WTA 500 Tokyo Open турнирінен бас тартты. https://t.co/qCnOoiVpx5
— kurinto (@klintsamonte) October 30, 2026
Кейін WTA спортшының толығырақ мәлімдемесін жариялады.
"Өкінішке қарай, мойнымда қабыну мен ауырсыну байқалады, бұл менің жоғары деңгейде ойнау қабілетіме әсер етеді. Бұл өте қиын шешім болды, өйткені мен мұнда ойнағанды жақсы көремін және жанкүйерлердің керемет қолдауын әрдайым жоғары бағалаймын", - деп атап өтті Рыбакина.
Айта кетейік, 8 қарашада Индиан-Уэллсте (АҚШ) WTA қорытынды турнирі басталады, онда қазақстандық теннисші былтырғы титулын қорғауы тиіс.
Елена Рыбакина тарихи жетістікке қол жеткізді
Еске салайық, Рыбакина Қорытынды турнирдің нәтижесіне қарамастан, маусым қорытындысы бойынша әлемдік рейтингте бірінші орынды иеленуге кепілдік алды.
Бұған Токио турнирінің 1/8 финалында отандасы Юлия Путинцеваны жеңуінің арқасында қол жеткізді. Осылайша Рыбакина рейтингтегі бәсекелестері үшін қолжетпес деңгейге көтерілді.
Бұған дейін Қазақстан спортшыларының ешқайсысы маусым қорытындысы бойынша әлемдік теннистің көшбасшысы атана алмаған.
2026 жылы қазақстандық теннисші екі Үлкен дулыға турнирін (Australian Open және US Open), сондай-ақ маңызы жағынан төменірек бірнеше жүлдені жеңіп алды. Кейінгі жеңісі - өткен аптада Нинбода (Қытай) өткен жарыста болды, Рыбакина чемпиондық атағын қорғап қалды.
Елена Рыбакина тарихи жеңісінен кейін келесі матчке қатысудан бас тартты
Рыбакина жылды әлемнің бірінші ракеткасы ретінде аяқтайтынына қатысты пікір білдірді