Елена Рыбакинаның Лондондағы матчі кейінге қалдырылды: себебі белгілі болды

Фото © Tengrinews.kz / Тұрар Қазанғапов

Әлемнің екінші ракеткасы қазақстандық Елена Рыбакина "Ролан Гарростан" шығып қалғаннан кейінгі алғашқы матчін Лондондағы турнирде өткізе алмады. Ұйымдастырушылар ресми мәлімдеме жасады, деп хабарлайды Tengri Sport.

Әлемнің екінші ракеткасы қазақстандық Елена Рыбакина "Ролан Гарростан" шығып қалғаннан кейінгі алғашқы матчін Лондондағы турнирде өткізе алмады. Ұйымдастырушылар ресми мәлімдеме жасады, деп хабарлайды Tengri Sport.

Қазақстандық теннисші 11 маусымда Лондонда өткен WTA 500 сериясындағы турнирде германиялық Татьяна Мариямен ойнауы керек еді. Алайда ауа райының қолайсыздығына байланысты матч өтпеді.

"Бүгін Лондонның ауа райы бізге қолайлы болмады. Бүгінгі барлық матчт тоқтатылды. Ертең қайта көреміз", - делінген турнирдің баспасөз қызметі таратқан мәлімдемеде.

Қазіргі уақытта Рыбакина - Мария матчінің басталуы 12 маусым сағат 15:00-ге жоспарланған.

Айта кетейік, Елена Рыбакина турнирдің бірінші нөмірлі және басты фавориті. Ал оның алғашқы қарсыласы осы турнирдің қазіргі жеңімпазы.

Бүгін Лондонның ауа райы біз жақта болмады 🥺

Күннің барлық матчтары тоқтатылды. Ертең жалғастырамыз ❤️ #HSBCChampionships pic.twitter.com/vtr3vo1Y5r
— HSBC Championships (@QueensTennis) 11 маусым, 2026

Елена Рыбакина әлемдік рейтингтің бірінші сатысы үшін күресіп жатыр

26 жастағы қазақстандық биыл әлемдік рейтингте өзі үшін рекордтық екінші сатыға көтеріліп, әлемнің бірінші ракеткасы Арина Соболенкоға 1000 ұпайдан аз қашықтыққа жақындады.

Лондонда жеңіске жеткен жағдайда Рыбакина арадағы айырмашылықты 555 ұпайға дейін қысқартады.

Бұл ретте кейінгі турнирде - Францияның ашық чемпионатында (Ролан Гаррос) қазақстандық спортшы екінші айналымда жарыстан шығып қалған болатын.