+7 (777) 001 44
99
Аты аңызға айналған қазақстандық боксшы Геннадий Головкин Халықаралық бокс даңқы залына (IBHOF) ресми түрде енді. Салтанатты рәсім дәстүрлі түрде бокс элитасы ұлықталатын Американың Канастота қаласында өтті, деп хабарлайды Tengri Sport.
Головкин бұл құрметке ие болған Қазақстанның тұңғыш өкілі атанды. Ол Даңқ залына алғашқы талпыныстан-ақ енді. Онымен бірге Даңқ залына бірнеше рет үміткер ретінде ұсынылған экс-чемпиондар Антонио Тарвер мен Найджелл Бенн қабылданды.
Instagram-дағы бұл жарияланымды көру
Тізімге ену үшін соңғы жекпе-жектен кейін үш жыл өтуі тиіс болатын. Геннадий 2022 жылдың қыркүйегінен бері шаршы алаңға шыққан жоқ.
Енді GGG есімі әлемдік бокс аңыздары Мұхаммед Әли мен Майк Тайсонның қатарында тұр.
Instagram-дағы бұл жарияланымды көру
Головкин - Даңқ залына енген тұңғыш қазақстандық және бұрынғы ТМД елдері арасындағы төртінші боксшы. Одан бөлек, бұл тізімде ресейлік Костя Цзю мен украиналық ағайынды Виталий және Владимир Кличколар бар.
Әуесқой рингте Головкин 350 жекпе-жектің 345-інде жеңіске жеткен, ол - 2004 жылғы Олимпиаданың күміс жүлдегері. Кәсіпқой бокста қазақстандықтың еншісінде 42 жеңіс бар, оның 37-сі нокаутпен аяқталған. Сондай-ақ екі рет жеңіліп, бір рет тең түскен. Орта салмақта WBC, WBA, IBF және IBO нұсқалары бойынша әлем чемпионы атақтарына ие болған.
Головкин орта салмақ тарихындағы нокауттардың ең жоғары пайызы үшін Гиннесстің рекордтар кітабына енген. Сондай-ақ GGG орта салмақтағы чемпиондық атағын сәтті қорғау саны (21) бойынша америкалық Бернард Хопкинстің рекордын жаңартты.
