30 жастағы спортшы бүгінгі жарыс күні шешуші кезеңдерге жолдама алған ел құрамасының жалғыз өкілі болды. Жәмила 72 келіге дейінгі салмақ дәрежесінің 1/8 финалында молдовалық Эмилия Кречунды 13:2 есебімен тізе бүктірген болатын.
Айнұр Әшімова, Ирина Казюлина және Ирина Кузнецова жарысты 1/8 финал сатысында аяқтады.
Айта кетейік, 24 қазаннан бері Қазақстан астанасында өтіп жатқан күрес түрлерінен әлем чемпионатында грек-рим күресінен бәсекелер аяқталды, ал әйелдер күресі бойынша жарыстар мәресіне таяп қалды.
Қазір Қазақстан құрамасы қоржынында үш қола медаль бар, әзірге бірде-бір финал жоқ. Турнир 1 қарашаға дейін жалғасады.
Жәмила Бақбергенова - әйелдер күресінің жұлдызы
Жәмила - Азияның төрт дүркін чемпионы және әлем чемпионаттарының үш дүркін күміс жүлдегері. 2025 жылғы құрлықтық біріншіліктегі кейінгі жеңісінен кейін ол әлемдік рейтингте көш бастады. Өз елімізде өтіп жатқан Әлем чемпионаты алдында ол төртінші сатыда болатын.
Айта кетерлігі, бұл жетістіктің барлығы олимпиадалық бағдарламаға кірмейтін 72 келіге дейінгі салмақта бағындырылған. Лос-Анджелес Олимпиадасына жолдама алу үшін Жәмилаға салмақ дәрежесін ауыстыруға тура келеді.