+7 (777) 001 44
99
Елеусіновтің айтуынша, 2016 жылғы Олимпиададағы жеңісінен кейін ішімдікке әуестігі тәуелділікке ұласқан.
"Иә, мен мойындаймын. Олимпиададан кейін ішімдікке әуестігім бар. Бұл ауруға қалай жолыққанымды білмеймін.
Бірақ өз басына келмегеннен кейін түсінбейді. Өз бастарыңызға келмей, сынай бермеңіздер. Кезінде жас болғанда мен де күлгенмін. Бірақ мұндай жағдай күлген адамның басына да келеді", - деді ол әлеуметтік желіде.
Сондай-ақ ол өзін Қазақстанның басқа да даңқты боксшыларынан артық санамайтынын атап өтті.
"Кейбіреулер мені алқаш дейді. Иә, сонымен не болыпты? Бірақ соған қарамастан мен Олимпиада чемпионы, Әлем чемпионы, кәсіпқойлар арасындағы әлем чемпионы болып қалдым. Өз ісімді әрі қарай жалғастырып жатырмын.
Мен ақталмаймын. Мүмкін, ең мықтысы емес шығармын. Головкиннен артық емеспін. Шүменовтен артық емеспін. Жақияновтан артық емеспін. Артық болуға тырыспаймын да. Иә, бұрын үздік болғым келген, ол туралы айтқанмын. Жұрттың бәрі мені тәкаппар деп ойлайды, бірақ олай емес", - деді ол.
Айта кетейік, Данияр Елеусіновтің жол-көлік оқиғасынан кейін ұсталғаны белгілі болған соң, оның агенті Зия Әлиев сұхбатында шәкіртінің бұл күйі антидепрессанттар қолдануымен байланысты болуы мүмкін деген болжам жасаған еді.
“Антидепрессанттар ішкен болар“ - Елеусіновтің менеджері спортшының қамауға алынуы туралы
Данияр Елеусінов - бокстан қазақстандық соңғы Олимпиада чемпионы
Еске салсақ, 2016 жылы Риодағы (Бразилия) Олимпиадада Данияр Елеусінов 69 келіге дейінгі салмақ дәрежесінде алтын иеленген болатын.
2018 жылы спортшы кәсіпқой бокстағы мансабын бастап, 2020 жылға қарай жартылай орта салмақта IBF нұсқасы бойынша әлем чемпионы атанды.
Осы уақыт ішінде Елеусінов 13 жекпе-жек өткізіп, оның 8-ін нокаутпен аяқтады, бірақ мансабындағы ұзақ үзіліске байланысты чемпиондық белбеуінен айырылып қалды.
Былтыр Данияр UFC басшысы Дана Уайттың Zuffa лигасымен келісімшартқа отырды, бірақ әзірге онда бірде-бір жекпе-жек өткізген жоқ.
Елеусінов Астанада жол апатына ұшырады
Спортшыны 9 шілдеде мас күйде көлік жүргізіп, жол-көлік оқиғасын жасағаны үшін ұстаған болатын. Астананың әкімшілік соты Елеусіновті 20 тәулікке қамауға алып, 7 жылға жүргізуші куәлігінен айырды.
Астана полиция департаментінің баспасөз қызметі бұған дейін жол-көлік оқиғасы салдарынан бірнеше автокөлік зақымданғанын хабарлаған болатын. Алдын ала мәлімет бойынша, көлік тізгінінде болған Елеусінов басқа машиналармен соқтығысып, оқиға орнынан қашып кеткен. Алайда ол көп ұзамай ұсталды.
28 шілдеде Данияр Елеусінов 20 тәулік әкімшілік қамаудан кейін бостандыққа шықты.
Еске сала кетейік, Олимпиада чемпионы соңғы жекпе-жегін 2025 жылдың 19 шілдесінде Вашингтонда өткізіп, филиппиндік Джеймс Бэконды мерзімінен бұрын жеңген болатын.
“Болары болды“. Данияр Елеусінов бостандыққа шықты - видео
