“Қайраттың“ бұрынғы бапкері еуропалық құраманың тізгінін алды

Словакиялық маман Владимир Вайсс өз елінің ұлттық құрамасына қайта оралды. Бұған дейін бапкер "Қайратта" қызмет атқарып, Қазақстан құрамасының тізгінін ұстауы мүмкін үміткерлердің қатарында болған еді, деп хабарлайды Tengri Sport Словакия футбол одағына сілтеме жасап.

61 жастағы бапкер 2008-2012 жылдар аралығында Словакия құрамасында жұмыс істеп, команданы әлем чемпионатына алып шыққан болатын. Ол ел тарихындағы ең табысты жаттықтырушы болып саналады. Биыл словакиялықтар іріктеу кезеңінің шешуші ойындарына дейін жеткенімен, Косово құрамасына жол беріп, мундиальдан тыс қалды.

Владимир Вайсс және оның Қазақстанмен байланысы

Естеріңізге сала кетейік, 2012-2015 жылдар аралығында Вайсс алматылық "Қайратта" қызмет етіп, екі мәрте Қазақстан Кубогын жеңіп алған болатын.

Өткен жылы ол Чемпиондар лигасының іріктеу кезеңі аясында словакиялық "Слованның" бас бапкері ретінде Алматыға келіп, командасымен бірге іріктеудің финалдық жолдамасын "Қайратқа" беріп қойған еді.

Сонымен қатар Талғат Байсуфинов тағайындалғанға дейін футболдан Қазақстан ұлттық құрамасының бас бапкері қызметіне Вайстың кандидатурасы қарастырылып жатқаны туралы БАҚ беттерінде жазылған болатын.

Бұған дейін құрамында қазақстандық ойыншы Данил molodoy Голубенко өнер көрсететін Counter Strike 2-ден бразилиялық Furia киберспорт командасы PGL Astana 2026 турнирінің плей-офф кезеңіне шықты.

Ал жұлдызды шабуылшы Криштиану Роналду ойнайтын саудиялық "Әл-Наср" клубы "Әл-Хиляльмен" өткен матчта жеңісті қолдан беріп алды. Бұл нәтиже чемпиондық бәсекеге айтарлықтай әсер етуі мүмкін.