+7 (777) 001 44
99
Қазақстан - Фарер аралдары матчі бүгін "Астана Аренада" өтіп, сағат 19:00-де басталады. Командалар арасындағы 26 қыркүйекте өткен алғашқы ойында тең есеп тіркелген болатын.
Фарер аралдарымен ойын Қазақстанды келесі лигаға шығу жолындағы күреске қайтара алады
Қазір Қазақстан құрамасы үш ойыннан кейін бір ұпаймен топта төртінші орында тұр. Көш басында Фарер аралдары (3 ұпай), Молдова (4 ұпай) және Словакия (7 ұпай) келе жатыр.
Төртінші тур ойындарының нәтижесіне байланысты Қазақстан не екінші орындағы командамен ұпай жағынан теңесіп, мәртебелі дивизионға шығу үшін күресті жалғастырады, не бір ұпаймен соңғы орында қалып, екінші сатыдан бірден бес ұпайға қалып қояды.
Алда топ фавориті Словакиямен кездесу барын ескерсек, екінші орынға шығу мүмкіндігі статистикалық қателік деңгейіне дейін төмендейді.
В лигасына тікелей жолдаманы бірінші орын ғана береді, бірақ екінші сатыға ие болса, команда В дивизионының ең әлсіз ұжымдарымен түйісу матчтерінде ойнауға кепілдік алады. Қазір бұл қатарда Грузия, Израиль, Солтүстік Македония және Румыния бар – олар мықты, бірақ деңгейі жағынан жеңуге болатын командалар.
Лигалар арасындағы ауысу тұрғысынан үшінші орынның маңызы жоқ – қос команда да келесі маусымды С лигасында өткізеді.
1-2-орындарды иелену неге маңызды?
Келесі маусымнан бастап Ұлттар лигасының форматы өзгереді. Төрт дивизионның орнына үшеуі болады, ал үшінші дивизионға қазіргі С және D лигаларының, яғни ең төменгі деңгейдегі командалар жиналады.
Егер Қазақстан В лигасына жолдама алса, онда деңгейі жоғары қарсыластармен ойнауға мүмкіндік алады. Ең бастысы, Ұлттар лигасы дивизиондарындағы орны Еуропа чемпионатының іріктеу кезеңіне әсер етеді. Осы дивизиондар құрамына қарай екі іріктеу лигасы құрылады: бірінде А және В дивизиондарының командалары, ал екіншісінде тек С дивизионының командалары жиналады.
Жаңа жүйе туралы толығырақ мына материалдан оқыңыз.
Қазақстан құрамасына В лигасына өту үшін не істеу керек?
Алдағы үш ойындағы үш жеңіс Қазақстан құрамасына екінші орын мен түйісу матчтеріне қатысуды қамтамасыз етеді. Оқиғалардың белгілі бір даму барысында бірінші орынға шығу да мүмкін – мәселен, словактар екі рет тең түсіп, біздің командадан жеңілсе.
Екінші орынға табан тіреу үшін екі жеңіс те жеткілікті болуы мүмкін – бүгін Фарер аралдарымен, кейін сырт алаңда Молдовамен. Әрине, егер қарсыластар Словакиядан ұпай еншілей алмаса және Фарер аралдарын жеңсе.
Сонымен қатар бүгінгі қарсыласымыз да екінші орын үшін күресін жалғастырып жатыр. Қазақстанды сырт алаңда жеңу фарерліктерді түйісу матчтеріне жолдама алу жолындағы фаворитке айналдырады.
Instagram-дағы бұл жарияланымды көру
Қазақстан - Фарер аралдары: тікелей трансляция
Қазақстан құрамасының Ұлттар лигасындағы аса маңызды матчін Qazsport арнасы көрсетеді. Трансляция бүгін сағат 18:50-де басталып, арна сайтында көрсетіледі.
Instagram-дағы бұл жарияланымды көру
Футболдан Қазақстан құрамасының бапкері Джон ван ’т Шкип Ұлттар лигасының жаңа маусымындағы алғашқы өз алаңындағы матчінде Молдовадан жеңілу - өз жауапкершілігі екенін мәлімдеді.
