+7 (777) 001 44
99
Жартылай финалдық жекпе-жекте қазақстандық әлем чемпионы үндістандық боксшы Ловлина Боргохайнмен қолғап түйістірді.
Instagram-дағы бұл жарияланымды көру
Жекпе-жек барысы
Бірінші раунд байыпты қарқында өтті: боксшылар жылдамдықты арттыруға асықпады және ашық айқасқа түсуге тырыспады. Богданова біртіндеп өзіне ыңғайлы қашықтықты тауып, қауіпсіз арақашықтықтан ауыр соққылар бағыттай бастады. Үндістандық боксшы жақын келіп, клинчке шығуға тырысты, сондай-ақ қарымта шабуылдар жасады. Төрешілердің шешімімен бірінші раундта Богданова басым түсті - 3:2.
Екінші раундта Боргохайн бастаманы өз қолына алып, бірінші нөмірмен жұмыс істей бастады. Бұл жағдай Богдановаға да қолайлы болды: ол контрпанчер стиліне ауысып, қарсыласын шегіне жүріп соққының астына алды. Раунд соңына қарай спортшылардың шаршағаны байқалып, олар жиі клинчке жүгінді. Екінші раундта төрешілер жеңісті Боргохайнға берді - 5:0.
Үшінші раундта Богданова прессингті жалғастырды: қазақстандық боксшы алға қадам жасап, бағытын өзгерте отырып, жалғыз соққылар жұмсады. Қарсыласы көбіне шегініп, арқанның жанында клинч әдісін қолданды. Богданова раунд бойы жауапсыз ауыр соққылар бағыттап, бұл кезеңде басымдық танытты.
Үш раундтың қорытындысы бойынша қазақстандық спортшы төрешілердің бөлек шешімімен жеңіліп, қола медальді қанағат тұтты.
Естеріңізге сала кетейік, алдыңғы кезеңде Наталья Богданова өзбекстандық Азиза Зокировамен кездескен болатын. Қазақстандық боксшы бірінші раундта айқын есеппен ұтылғанымен, қалған екі раундта төрешілердің көпшілік шешімімен жеңіске жетіп, Азия ойындарының жартылай финалына жолдама алған еді.
Instagram-дағы бұл жарияланымды көру
Бұған дейін әйелдер құрамасының тағы бір өкілі, әлем чемпионы Алуа Балқыбекова да Азиаданың жартылай финалында өнер көрсеткен болатын. Ол вьетнамдық боксшы Ти Та Нгуенмен кездесіп, төрешілердің біріңғай шешімімен есе жіберді. Осылайша Алуа Балқыбекова Қазақстан қоржынына Азиаданың қола медалін салды.
Instagram-дағы бұл жарияланымды көру
Бұдан бұрын қазақстандық боксшы, ұлттық құрама капитаны Айбек Оралбайдың 2026 жылғы Азия ойындарының финалына айқын басымдықпен шыққаны хабарланған.
