+7 (777) 001 44
99
70 келіге дейінгі салмақ дәрежесінде өнер көрсететін қазақстандық боксшы Лаура Есенкелді Әлем кубогі кезеңінің ширек финалына шықты, деп хабарлайды Tengri Sport.
Қазақстандықтың қарсыласы испаниялық боксшы Униа Мартинез болды. Жекпе-жек барысында Лаура Есенкелді қарсыласынан айқын басым түсті.
Ол жекелеген соққыларды да, соққылар сериясын да жиі әрі дәл жұмсап отырды. Үш раундтың қорытындысы бойынша төрешілер жеңісті бірауыздан оған берді.
Еске сала кетейік, бұған дейін Әлем кубогі кезеңінде Қазақстан әйелдер құрамасының тағы бір өкілі, еліміздің ең атақты боксшысы Назым Қызайбай өнер көрсеткен болатын.
54 келіге дейінгі салмақ дәрежесіндегі 1/8 финалда ол Оңтүстік Корея спортшысы Им Э Джимен кездесті. Қызайбай 4:1 есебімен жеңіске жетіп, турнирдің ширек финалына жолдама алды.
Instagram-дағы бұл жарияланымды көру
Басқа нәтижелер
Бұған дейін таңғы сессияда Қазақстан құрамасының тағы екі өкілі өнер көрсетті.
75 келіге дейінгі салмақ дәрежесінде Тимур Нұрсейітов турнирдің 1/8 финалында ирландиялық Тадг О’Доннеллді тартысты жекпе-жекте жеңді.
Жекпе-жектің қорытынды есебі - 3:2, қазақстандықтың пайдасына.
Instagram-дағы бұл жарияланымды көру
Ал 65 келіге дейінгі салмақ дәрежесінде 1/16 финалда қазақстандық Санатәлі Төлтаевқа әзірбайжандық Мәлік Хасанов қарсы тұрды.
Жекпе-жек екі раундқа созылып, қарсылас алған жарақатына байланысты кездесуді жалғастырудан бас тартты.
Instagram-дағы бұл жарияланымды көру
Еске сала кетейік, World Boxing ұйымдастырған бокстан Әлем кубогінің екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.
Назым Қызайбай Әлем кубогінде кореялық боксшыны ойсырата жеңді
