+7 (777) 001 44
99
Қазақстандық боксшы, еліміздің ең көп марапатқа ие спортшысы Қытайдың Гуйян қаласында өтіп жатқан Әлем кубогы кезеңінің ширек финалына шықты, деп хабарлайды Tengri Sport.
54 келіге дейінгі салмақ дәрежесіндегі 1/8 финалда қазақстандық боксшы оңтүстіккореялық спортшы Им Э Джимен кездесті.
Жекпе-жек барысы
Алғашқы минуттардан бастап Қызайбай арақашықтықты қысқартып, қарсыласының қорғанысын бұзып өтуге тырысты.
Корейлік боксшы болса, клинчке сүйеніп, қашықтықты алшақтатуға күш салды. Қазақстандық спортшы тактикасын өзгертіп, алға қадам жасау арқылы жалғыз соққылармен шабуылдай бастады, бұл сайып келгенде оған раундта жеңіске жетуге көмектесті.
Екінші раундта Қызайбай «маятник» әдісін қолданып, қарсыласын ары-бері теңселту арқылы қателесуге мәжбүр етті де, өзі қарымта шабуылдар жасады. Бұл стратегия оған екінші раундта да жеңіс сыйлады.
Үшінші раундта Э Джи жылдам соққылар сериясын қосып, ұпай жинауға тырысты, алайда Қызайбай тамаша қорғанып, ұзақ сонар шабуылдармен жауап берді. Раундтың соңғы минутында қос боксшының да баяулай бастағаны байқалды, бірақ бұл қазақстандық спортшының ауыр соққылармен жақындауына кедергі болмады.
Үш раундтың қорытындысы бойынша төрешілердің шешімімен Назым Қызайбай жеңіске жетті.
Басқа нәтижелер
Бұған дейін таңғы сессияда Қазақстан құрамасының тағы екі өкілі де өнер көрсетті.
75 келіге дейінгі салмақ дәрежесінде Тимур Нұрсейітов турнирдің 1/8 финалында ирландиялық Тадг О’Доннеллді тартысты жекпе-жекте жеңді.
Жекпе-жектің қорытынды есебі — 3:2, жеңіс қазақстандықтың еншісінде.
Instagram-дағы бұл жарияланымды көру
Ал 65 келіге дейінгі салмақ дәрежесінде 1/16 финалда қазақстандық Санатәлі Төлтаевқа әзірбайжандық Мәлік Хасанов қарсы тұрды.
Жекпе-жек екі раундқа созылып, содан кейін қарсыласы алған жарақатына байланысты кездесуді жалғастырудан бас тартты.
Instagram-дағы бұл жарияланымды көру
Еске сала кетейік, World Boxing ұйымдастырған бокстан Әлем кубогының екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.
Қазақстандық боксшы Әлем кубогында еуропалық бокстың жас жұлдызын тізе бүктірді
Бұған дейін 90 келіден жоғары салмақ дәрежесінде өнер көрсететін қазақстандық боксшы Айбек Оралбайдың бокстан Әлем кубогы кезеңінің ширек финалына өткені хабарланған болатын.
