Дана Уайттың айтуынша, Махачевтің қаңтардағы жекпе-жегі мақұлданған болатын, алайда кейін чемпион Рамазан айынан кейін жұдырықтасатынын айтқан.
- Ислам Махачев төңірегіндегі жағдайдан хабардар боларсыз - ол қаңтарға қатысты ойынан айнып қалды. Бұл жекпе-жекке дайындық қай кезеңде еді? Келісімшартқа қол қойылды ма?
- Жоқ, бұл тек ауызша келісілген болатын, - деп жауап берді Уайт.
Сондай-ақ Дана UFC чемпиондарының қазіргідей жылына бір рет емес, кемінде екі жекпе-жек өткізгенін қалайтынын жеткізді.
"Әрине, жігіттердің жиі жұдырықтасқаны маған ұнайды. Чемпионнан жылына үш жекпе-жек күтпеймін, бірақ екеуі болса жақсы болар еді! Мәселе ақшада! Жігіттер жас әрі жігерлі болғанда, табыс табу үшін көп жұдырықтасқысы келеді. Бірақ жеткілікті ақша жиналған соң, үнемі айқаса берудің қажеті болмай қалады. Дегенмен, Исламға келетін болсақ, оның жетістіктеріне қараңыздар, ол өте үлкен шаруа атқарды!" - деп мәлімдеді ол.
Махачевтің салмағында чемпион титулын қорғаудан бас тартқан соң уақытша белбеу енгізілді
Еске сала кетейік, Шавкат Рахмонов өнер көрсететін UFC-дің жартылай орта салмақ дәрежесінде 30 қаңтарда Майкл Моралес пен Карлос Пратес арасында уақытша чемпиондық атақ үшін жекпе-жек өтеді. Олардың бірі бірден негізгі белбеуге таласуға мүмкіндік алар еді, бірақ Махачев олардың қайсысы мықты екенін анықтағанша қорғау жекпе-жегін өткізбейтінін мәлімдеді.
Пратестің айтуынша, бұл жағдайдан Рахмонов та зардап шеккен - ұйым оның Моралеспен жекпе-жегіне қатысты келіссөздер жүргізіп жатыр. Алайда Шавкаттың жаттықтырушысы Эдуард Базров біздің тілшіге берген сұхбатында бұл ақпаратты растамады.
Рахмонов Махачевтің кесірінен UFC-дегі жекпе-жегінен айырылды ма?
Ислам Махачев UFC тарихына кірді
Айта кетейік, ресейлік аралас жекпе-жек шебері Ислам Махачев әлемнің бас лигасы UFC-де 2015 жылдан бері өнер көрсетіп келеді. Осы уақыт ішінде ол 19 жекпе-жек өткізіп, оның 18-інде жеңіске жеткен.
Ол жеңіл салмақта чемпион болды, кейін жартылай орта салмаққа ауысып, сол жерде де белбеуді иеленіп, оны сәтті қорғады.
Махачев келгенге дейін бұл дивизионда екі жыл ішінде үш чемпион ауысты: 2024 жылдың шілдесіне дейін белбеу Леон Эдвардста болды, кейін титулды Белал Мухаммад иеленді, бірақ 2025 жылдың мамырында ол чемпиондықты Джек Делла Маддаленаға беріп қойды. Ал 2025 жылдың қарашасында бұл атақты Махачев жеңіп алды.
Бек Нұрмағанбет Канело, құрама және “жыл нокаутынан“ кейінгі деңгейі туралы айтты