+7 (777) 001 44
99
Екінші жартылай жеңіл салмақтағы аустралиялық кәсіпқой боксшы Джексон Ингленд қазақстандық Сұлтан Заурбекке қарсы өтетін жекпе-жек туралы пікір білдірді, - деп хабарлайды Tengri Sport.
"Қазақ короліне" қарсы кездесу алдында аустралиялық Джексон Ингленд алдағы жекпе-жек туралы ойын бөлісті.
Ол Сұлтан Заурбекпен жұдырықтасудың маңызы зор екенін мойындады.
Өйткені Ингленд үміткерлік жекпе-жегін өз үйіндегі рингте отбасы, достары мен жергілікті жанкүйерлерінің алдында өткізеді.
"Бұл жекпе-жектің Пертте өтуі мен үшін өте маңызды. Осында, Пертте іріктеу жекпе-жегін өткізіп, достарымның, отбасымның және соңғы кездесуімде болған адамдардың алдында өнер көрсетуді тек армандайтын едім.
Егер бұл жекпе-жекте жеңіске жетсем, Наварретемен IBF титулы үшін жұдырықтасуға мүмкіндік аламын. Келіссөздер процесі ұзаққа созылды. Бұл кездесу былтырғы жылдың аяғында өтуі тиіс еді, бірақ енді, 12 айдан кейін бізде оны осында, Пертте өткізу мүмкіндігі туып отыр. Мен мұны өмір бойы армандадым", - деді Ингленд.
Instagram-дағы бұл жарияланымды көру
Еске сала кетейік, Сұлтан Заурбек пен Джексон Ингленд арасындағы жекпе-жек 27 маусымда Перттегі (Аустралия) HPC Arena-да өтеді.
Осы жекпе-жектің жеңімпазы мексикалық Эмануэль Наварретеге тиесілі IBF титулына бірінші міндетті үміткер атанады.
Instagram-дағы бұл жарияланымды көру
Заурбек бұған дейін кіммен жұдырықтасты?
Сұлтан Заурбек соңғы жекпе-жегін Астанадағы "Барыс Аренада" ОАР өкілі Азинга Фузилеге қарсы өткізді. Бұл кездесуде IBF Continental чемпионы атағы сарапқа салынды.
Жеңілмеген қазақстандық боксшы раундтардың басым бөлігінде айқын басымдық танытқанымен, оны нокдаунға немесе нокаутқа айналдыра алмады. 10-раунд қазақстандықтың шоуына айналды, бірақ қарсыласы шыдап бағып, кездесуді соңына дейін жеткізді.
Жекпе-жекте "Қазақ королі" төрешілердің бірауыздан шығарған шешімімен жеңіске жетті.
