+7 (777) 001 44
99
Рыбакина Цинциннати турнирінің қорытындысы бойынша әлемнің бірінші ракеткасы атануы мүмкін еді
Беларусьтік әлемнің үздік теннисшісі Арина Соболенко Цинциннати турнирінің 1/8 финал сатысында ұтылғаннан кейін, Рыбакинаға әлемдік рейтингте оның алдын орау үшін екі рет жеңіске жету керек болды.
Рыбакина бұл мақсатына жарақатына байланысты жете алмады – польшалық Ига Швёнтекке қарсы матч кезінде қазақстандықтың аяғы сыр беріп, кездесуді бірінші сетте аяқтауға мәжбүр болды.
Рыбакинаның әлемнің бірінші ракеткасы атануына келесі мүмкіндік келер аптада басталатын АҚШ ашық чемпионатында (US Open) туады.
Үлкен дулыға турнирінің басталуына қарай Рыбакина мен Соболенконың рейтингтегі ұпай алшақтығы 434 ұпайды құрайды.
Рыбакина қалай әлемнің бірінші ракеткасы бола алады?
Цинциннатидегі ерте жеңілісіне қарамастан, Елена Рыбакинаның US Open қорытындысы бойынша әлемдік рейтингте көш бастауға мүмкіндігі жоғары.
US Open-дегі жеңіс Рыбакинаға әлемнің бірінші ракеткасы атағына кепілдік береді
Осы маусымдағы ақырғы Үлкен дулыға турнирінде Арина Соболенко былтырғы титулы үшін алған 2 мың ұпайын қорғауы тиіс. Ал Елена Рыбакина бір жыл бұрын төртінші айналымға дейін жеткен болатын, сондықтан US Open басталар алдында қазақстандық теннисші рейтингтік жарыста басымдыққа ие болып отыр.
Турнирден кейін бір жыл бұрын жиналған ұпайлар жойылатыны туралы WTA ережелерін ескерсек, Рыбакина US Open-де жеңіске жеткен жағдайда әлемнің бірінші ракеткасы атанатынына кепілдік бар. Сонымен қатар қазақстандыққа жартылай финалға шығудың өзі жеткілікті болады. Егер Соболенко турнирде тағы жеңіске жетсе, ол өзінің 8575 ұпайын сақтап қалады, ал Рыбакина жартылай финалдан кейін 8681 ұпайға ие болады.
Instagram-дағы бұл жарияланымды көру
Рыбакина бірде-бір матч өткізбей-ақ әлемнің бірінші ракеткасы атануы мүмкін
WTA рейтингтік жүйесінің ерекшеліктеріне байланысты, қазақстандық теннисші турнирге қатыспаса да, әлемдік рейтингте көш бастай алатын сценарий бар.
Былтырғы нәтиже үшін жиналған ұпайлар шегерілгеннен кейін, Рыбакина 7901 ұпаймен бірінші орынға шығуы мүмкін, ал Соболенкода 6575 ұпай қалады. Осылайша, беларусьтік теннисшіге қарымта қайтаруға тура келеді: көшбасшылықты сақтап қалу үшін ол турнирде міндетті түрде жеңіске жетуі керек.
Соболенко кейінгі екі жарыста жеңіске жете алмағанын ескерсек, оқиғаның мұндай бағытта өрбуі әбден мүмкін.
Instagram-дағы бұл жарияланымды көру
Екі теннисші де бірінші орынға шыға алмайтын жағдай болуы мүмкін
Рейтингтік жарысқа Соболенко мен Рыбакина ғана қатысып жатпағанын ұмытпаған жөн. Америкалық Джессика Пегула мен Коко Гауфф та Цинциннати турнирінің қорытындысы бойынша қазақстандыққа жақындауы мүмкін.
Екеуі де жарысты жалғастырып жатыр. Жеңіске жеткен жағдайда Пегула Рыбакинадан 566 ұпайға қалып қояды. Бұл ретте америкалық теннисші былтырғы US Open жартылай финалы үшін алған тағы 780 ұпайын қорғауы керек.
Осылайша, Пегулаға Рыбакинаны басып озу үшін тек Цинциннатидегі жеңіс аздық етеді. Ол үшін оған US Open-де де жеңіске жету керек.
Instagram-дағы бұл жарияланымды көру
Осыған ұқсас жағдай Коко Гауффта да қалыптасып отыр. Цинциннатиде жеңіске жетсе, ол 6704 ұпай жинайды, алайда US Open-де оған тағы 240 ұпайын қорғау қажет.
Сондықтан, рейтингтік жарыста Рыбакинадан озу үшін Гауффқа да екі турнирде бірдей жеңіске жету керек.
Instagram-дағы бұл жарияланымды көру
Сонымен, US Open қарсаңында Елена Рыбакинаның әлемдік рейтингте көш бастауға мүмкіндігі өте жоғары. Тіпті негізгі бәсекелестерінің US Open-дегі жеңісі оларға бірінші орынды қамтамасыз етпейді, ал қазақстандыққа көшбасшылықты иелену үшін жартылай финалға шығу жеткілікті.
Дегенмен, бірінші орынды сақтап қалу әлдеқайда қиын болмақ.
Рыбакина жарақатына байланысты Цинциннатидегі турнирден бас тартты
"Маған жүру қиын": Рыбакина матчтен бас тартқаннан кейін жарақаты туралы айтты
