+7 (777) 001 44
99
Торонтодағы (Канада) WTA 1000 турнирінің екінші айналымдағы матчінен кейін өткен баспасөз мәслихатында Елена Рыбакина WTA-ның гендерлік мәселеге қатысты жаңа саясаты туралы өз ойын айтты.
Бұған дейін енді турдың әрбір қатысушысы әйел жынысына жататынын дәлелдеуі керек екені хабарланған еді.
"Шынымды айтсам, бұл туралы не айтарымды да білмеймін. Егер қажет болса, демек өтеміз. Бұл артық деп айтпас едім, бірақ, меніңше, мұндай тестсіз де бәрі қалыпты еді. Дегенмен, талап етілсе орындаймыз", - деп жауап берді Рыбакина.
Елена Рыбакинадан WTA-ның міндетті гендерлік тесті туралы сұралды
— The Tennis Letter (@TheTennisLetter) 6 тамыз, 2026 жыл
Елена: «Шыны керек, не дерімді білмеймін. Егер мұны істеу керек болса, істейміз.
Мен үшін бұл қажетсіз деп айтпаған болар едім, бірақ бұл тесттерсіз-ақ бәрі жақсы болды деп ойлаймын. Бірақ егер мұны істеу керек болса, істейміз».
«Орындау... pic.twitter.com/wnkcyA1CZw
Еске сала кетейік, бұған дейін бұл жаңашылдық туралы әлемнің бірінші ракеткасы, беларусьтік Арина Соболенко да пікір білдірген болатын. Ол барлық қатысушыға тең жағдай жасау маңызды екенін айтып, WTA шешімін қолдайтынын атап өтті.
Сабаленка WTA-ның гендерлік тестілеу туралы жаңа ережесі жайында:
— Corvath Draemir (@Archaicmind3000) 3 тамыз, 2026 жыл
"Біздің Турда әділдікті сақтау маңызды. Биологиялық тұрғыдан ер адамдар әйелдерден әлдеқайда күшті, сондықтан әйелдердің биологиялық ерлермен бәсекелесуі әділетсіз болар еді. Мен мұны қолдаймын. Бұл әділетті."
Салауатты қисын. pic.twitter.com/6tPyVt9pLs
"Ол ер адам": олимпиадалық спорт түрлеріндегі гендерлік даулар
Еске сала кетейік, 2024 жылы Парижде өткен кейінгі жазғы Олимпиадада бокстан әйелдер турнирінің бірнеше қатысушысына "бұрын ер адам болған" деген айып тағылып, үлкен дау туындаған болатын.
Айыптаулар Халықаралық бокс қауымдастығы (IBA) жүргізген гендерлік тесттерге негізделді. Ақыры айыпталған қыздардың бірі – алжирлік Иман Хелиф олимпиада чемпионы атанды, ал турнир барысында қарсыластары мен бірнеше қоғамдық спикер "ол ер адам" екенін ашық айтты.
Олимпиададан кейін World Boxing өз жарыстарының барлық қатысушысы үшін міндетті гендерлік сәйкестендіруді енгізді, содан кейін Хелиф одан өтуден бас тартып, турнирлерге қатысуын тоқтатты.
Instagram-дағы бұл жарияланымды көру
Жаңа ережелерді Халықаралық олимпиада комитеті де қолдады. 2026 жылдың наурызында онда жаңа ережелер жарияланды, енді Олимпиада ойындарындағы әйелдер жарысына жынысын генетикалық тест арқылы растаған спортшылар ғана қатыса алады.
Теннистің де олимпиадалық спорт түрі екенін ескерсек, мұндай ережелердің енгізілуі уақыт еншісіндегі мәселе еді.
Бұған дейін шахматшы Йоша Иглесиас әйелдер арасында гроссмейстер атанып, Франция чемпионатын жеңіп алған алғашқы трансгендер-әйел болды. Бұл жағдай әлеуметтік желілерде қызу пікірталас тудырды.
🚨 Трансгендер ер адамды @FIDE_chess Халықаралық әйелдер арасындағы шахмат шебері деп растады, бұған қарамастан жақында ерлердің тек әйелдерге арналған ресми жарыстарға қатысуына тыйым салынған болатын.
— REDUXX (@reduxx) 5 мамыр, 2024 жыл
36 жастағы Йоша Иглесиас бұл атаққа өткен аптада Францияда өткен әйелдер турниріне қатысқаннан кейін қол жеткізді. pic.twitter.com/gVw2wRuf8S
Елена Рыбакина жағажайдағы демалысы туралы айтып берді
