Қазақша
Русский
Туризм және спорт министрлігі Серік Сәпиев кеткеннен кейін Қарағанды облысының дене шынықтыру және спорт басқармасына жаңа басшы тағайындады, деп хабарлайды Tengri Sport.
Туризм және спорт министрлігі баспасөз қызметінің ақпаратынша, Қарағанды облысының дене шынықтыру және спорт басқармасының басшысы лауазымына Нүркен Нұратов тағайындалды.
Ол бұған дейін Алматы облысының Олимпиада резервін даярлау орталығының басшысы қызметін атқарған.
Серік Сәпиевтің жанжалы мен қызметтен шеттетілуі
Еске сала кетейік, бұған дейін бұл қызметті 2012 жылғы Лондондағы (Англия) Олимпиада ойындарының чемпионы Серік Сәпиев атқарған болатын.
2026 жылғы 23 қаңтарда Сәпиевтің өзінің орынбасары Дәурен Есімхановпен жанжалдасып, соның салдарынан дене жарақатын алғаны, ал ұрып-соғу дерегі бойынша қылмыстық іс тіркелгені туралы ақпарат тарады.
Осыған байланысты өңірлік полиция департаменті мынадай мәлімдеме жасады:
"Қарағанды қаласының 42 жастағы тұрғынының арызы бойынша ұрып-соғу дерегіне қатысты қылмыстық іс қозғалды. 21 қаңтарда қаладағы спорт кешендерінің бірінің ғимаратында екі ер адам арасында жанжал болғаны анықталды. Қазіргі уақытта полиция қызметкерлері оқиғаның барлық мән-жайын анықтап жатыр".
Бұдан соң желіде оқиға болған мекемедегі бейнебақылау камерасынан алынған кадрлар пайда болды. Онда Серік Сәпиевтің кабинетке кіріп, біраз уақыттан кейін одан жүгіріп шыққаны көрінеді.
Ақпан айында әкімдік екі шенеуніктің де өз еркімен арыз жазғанын және қызметтерінен кеткенін хабарлады.
+7 (777) 001 44 99
