“Тобыл“ - “Паневежис“: Конференция лигасы матчін қайда және қашан көруге болады?

Фото: TengriSport.kz/Әлімжан Аманжол

Қостанайлық "Тобыл" бүгін, 30 шілдеде Конференция лигасының қарымта матчінде Литваның "Паневежис" командасымен кездеседі, деп хабарлайды Tengri Sport.

Сырт алаңда өткен кездесу 1:1 есебімен аяқталды, қазақстандық команда 84-минутта есепті теңестіре алды.

Қарымта ойын Қостанайда өтеді және Қазақстан уақытымен 19:00-де басталады.

"Тобыл" - "Паневежис": кім фаворит?

Алғашқы ойын қостанайлықтар үшін қиынға соққанымен, өз алаңында команда қарсыластарынан басым көрінеді, кем дегенде қағаз жүзінде солай.

Қазақстандық команда көшбасшылары - Ислам Чесноков, Райан Сенхаджи және Александр Зуевтың жалпы құны қарсыластар құрамының жартысына тең.

Тағы бір артықшылық - қазақстандық команданың қазіргі бабы. Литвалықтар 20 маусымнан бері ішкі біріншілікте жеңіске жете алмай келеді, ал "Тобыл" кейінгі төрт кездесудің екеуінде жеңіске жетті.

Сондай-ақ алғашқы кездесудің нәтижесіне логистикалық қиындықтар әсер еткен болуы мүмкін - "Тобыл" ұшаққа қатысты мәселелерге байланысты бірінші ойынға ұзақ жол жүріп барған болатын.

Қостанайлықтардың пайдасында еурокубоктық тәжірибесі де бар - бұл ТМД-дағы еуропалық трофейді, атап айтқанда Интертото кубогін жеңіп алған жалғыз команда.

Instagram-дағы бұл жарияланымды көру

TOBYL FK (@fctobol) жариялаған жазба

Конференция лигасындағы "Тобыл": матчті қайдан көруге болады?

"Тобыл" - "Паневежис" (Литва) матчі 30 шілдеде сағат 19:00-де басталады. Ойынды QazSport, сондай-ақ арна сайты тікелей эфирде көрсетеді.

Бұған дейін алматылық "Қайрат" Чемпиондар лигасының үшінші іріктеу кезеңіне шықты - команда қазірдің өзінде үш еурокубок бірінің жалпы кезеңіне жолдаманы қамтамасыз етті.