+7 (777) 001 44
99
ҚФФ мәліметінше, қазақстандық 13 клуб 2025/2026 жылғы маусым үшін УЕФА-дан ынтымақтастық төлемдерін алды.
"Жалпы төлем көлемі 7 754 000 еуроны құрады. Әр клуб 596 461 еуродан алды. Ынтымақтастық төлемдерін алған клубтар қатарында "Астана", "Тобыл", "Елімай", "Ақтөбе", "Жеңіс", "Ордабасы", "Оқжетпес", "Қызылжар", "Ұлытау", "Қайсар", "Жетісу", "Атырау" және "Тұран" бар", - делінген мәлімдемеде.
Айта кетейік, "Қайрат" бұл тізімге кірмейді, өйткені ол Чемпиондар лигасының негізгі кезеңіне қатысқаны үшін УЕФА-дан тиісті төлемдерін алып қойған. БАҚ мәліметінше, бұл сома 21 миллион 200 мың еуро болды.
УЕФА-ның ынтымақтастық төлемдері деген не және ол неге байланысты?
УЕФА ақпараты бойынша, ынтымақтастық төлемдері негізінен еурокубоктарға қатыспайтын командалар арасында бөлінеді және бұл қаражат балалар мен жасөспірімдер футболын дамытуға, сондай-ақ клубтық ойыншыларды даярлау жүйесін қолдауға жұмсалуы тиіс.
"Жыл сайынғы ынтымақтастық төлемдері Чемпиондар лигасының, Еуропа лигасының және Конференция лигасының ерте кезеңдерінде жарыстан шығып қалған командаларға, сондай-ақ ішкі турнирлер арқылы еурокубоктарға жолдама ала алмаған жоғарғы дивизиондағы басқа да клубтарға арналған.
Ерлер арасындағы элиталық клубтық турнирлердің ынтымақтастық төлемдері жастарды дамыту бағдарламаларына және/немесе жергілікті жобаларға инвестиция ретінде бағытталады.
"Клубтық турнирлердің жаңа циклінде (2024 жылдан 2027 жылға дейін) біз үш еурокубокқа қатыспайтын командалар арасында бөлінетін жалпы табыс үлесін екі есеге жуық арттырамыз: үш клубтық турнирдің жалпы жиынтық табысының 4 пайызынан 7 пайызына дейін", - делінген ұйым сайтында.
Бұл ретте чемпионатқа бөлінетін барлық қаражат ұлттық футбол қауымдастығына аударылады, ол қаражатты бөлу тәртібін өзі анықтайды. Қазақстанда қаражат клубтардың көрсеткен нәтижелеріне қарамастан, олардың арасында тең бөлінетін модель таңдалған.
Instagram-дағы бұл жарияланымды көру
Қазақстан 2025/2026 және 2026/2027 маусымдағы еурокубоктарда
Еске сала кетейік, өткен маусымда Еуропада Қазақстан атынан төрт команда бақ сынаған болатын: "Астана", "Ақтөбе", "Ордабасы" және "Қайрат".
Алғашқы үш клуб Еуропа лигасы мен Конференция лигасының іріктеу кезеңдерінде ерте аяқтаса, "Қайрат" Чемпиондар лигасының негізгі кезеңіне жолдама алды.
Негізгі кезеңде Алматы командасы 8 матч өткізіп, бір ұпай жинады – ол ұпайға Кипрдің "Пафос" клубымен өткен үйдегі ойында қол жеткізді.
2026/27 жылғы маусым қазақстандық футбол үшін сәтсіздеу болатыны анық. Күзде еурокубоктарда ел намысын тағы тек "Қайрат" қорғайды, бірақ бұл жолы алматылық клуб Чемпиондар лигасында емес, Еуропа лигасы немесе Конференция лигасында ойнайды.
Чемпиондар лигасының үшінші іріктеу кезеңінде Болгарияның "Левски" клубынан жеңілгеннен кейін, "Қайрат" Еуропа лигасына жолдама алу үшін плей-офф кезеңінде Бельгияның "Андерлехтімен" кездеседі. Жеңілген жағдайда команда жарысты Конференция лигасында жалғастырады.
Instagram-дағы бұл жарияланымды көру
Сондай-ақ еурокубоктық маусымға "Астана", "Тобыл" және "Елім-ай" клубтары таласқан болатын, бірақ олар Еуропа лигасы немесе Конференция лигасының шешуші матчтеріне дейін жете алмады.
“Қайрат“ Канье Уэстің концертінен кейін стадионға қатысты шешім қабылдады
Тағы оқыңыз: Қазақстандық боксшылар Әлем чемпионатындағы жеңісі үшін 8 айдан кейін сыйақы алды
ӘЧ-де жеңіске жеткені үшін қазақстандық балуандарға қомақты сыйақы беріледі
