ӘЧ-2026-ға қатысатын құрама Гиннес рекордтар кітабына кіріп, тарихта қалатын болды

Кюрасао футбол құрамасы Әлем чемпионаты тарихындағы халқы ең аз ел ретінде Гиннес рекордтар кітабына кірді, деп хабарлайды Tengri Sport.

Гиннес рекордтар кітабы Кюрасао құрамасына рекордты растайтын сертификатты табыс етті.

Олар турнир тарихында футболдан Әлем чемпионатына жолдама алған халқы ең аз мемлекет атанды.

Сертификат берілген сәтте Кюрасао халқының саны 156 115 адам болған.

Кюрасао құрамасы ӘЧ-2026-ға сенсациялық түрде жолдама алды

2026 жылғы Әлем чемпионаты Кюрасао командасы үшін тарихтағы алғашқы турнир болды. Тәжірибелі голландиялық бапкер Дик Адвокаттың жетекшілігімен команда КОНКАКАФ іріктеу турнирінде бірде-бір рет жеңілмеді.

2025 жылғы 18 қарашада Кингстонда (Ямайка) өткен Ямайкамен ойындағы 0:0 есебі шешуші сәт болды. Бұл нәтиже Кюрасаоға үшінші кезеңде өз тобында көш бастап, тікелей жолдама алуға мүмкіндік берді.

Кюрасао Е тобында Германия, Эквадор және Кот-д’Ивуар құрамаларымен ойнайды.

Кюрасао құрамасының алғашқы матчі 14 маусымда өтті. Олар Германия ұлттық құрамасынан 1:7 есебімен ойсырай ұтылды. Келесі ойын 21 маусымда Эквадор құрамасына қарсы өтеді.

Тележүргізуші тікелей эфирде Мессидің әкесі “қайтыс болғанын“ хабарлаған