+7 (777) 001 44
99
Мысыр құрамасының жұлдызды шабуылшысы Мохаммед Салах әлем чемпионатында Жаңа Зеландияға қарсы ойында командасына жеңіс сыйлаған голды соқты. Сол сәтте жаңазеландиялықтар ерекше себеппен алаңда азшылықта қалған еді, деп хабарлайды Tengri Sport.
Жағдай кездесудің 67-минутында, есеп 1:1 болып тұрғанда болды. Жаңазеландиялық Бен Олд алаңға алмасуға жаңа ғана шыққанымен, төрешілер оның шолақ шалбарындағы жыртықты көрсеткен соң, алаңнан шығуға мәжбүр болды.
Олд алаң жиегінде киімін ауыстырып жатқанда, Мохаммед Салах қарсыластың азшылықта қалғанын сәтті пайдаланып кетті.
"Салах жаңазеландиялықтар қалдырған бос кеңістікті пайдаланып, айып алаңына басып кірді және жойқын соққымен допты қақпаның төменгі сол жақ бұрышына бағыттап, өз командасына осы матчте шешуші басымдық сыйлады.
Олдқа алаң жиегінде киімін ауыстыруға тура келді, ол бұл кезде "Ливерпуль" ойыншысының Мысыр тарихындағы әлем чемпионатындағы алғашқы жеңісі үшін күресте шешуші болған голды тойлап жатқанын тамашалап тұрды", - деп жазады The Sun.
Бен Олд Мысыр құрамасының футболшыларының бірімен соқтығысқаннан кейін шолақ шалбарын жыртып алды, бұл жаңазеландиялықтар үшін төрешіге наразылық білдіруге себеп болды.
Дегенмен, арбитр бұған мән бермей, мысырлықтардың алға шығуына мүмкіндік берді.
Матч 3:1 есебімен аяқталды, ал Салахтың голы команда үшін жеңіс голы болып, ол матчтің үздік ойыншысы деп танылды.
Айта кетейік, Мысыр құрамасы үшін Жаңа Зеландияны жеңу - әлем чемпионаты тарихындағы алғашқы жеңіс. Бұған дейін команда турнирдің финалдық кезеңіне үш рет қатысып (1934, 1990 және 2018 жылдары), бірде-бір жеңіске жетпеген болатын.
Мысыр ӘЧ-2026 матчында камбэк жасады
