+7 (777) 001 44
99
14 маусымнан 15-іне қараған түні Нидерланды құрамасы 2026 жылғы әлем чемпионатының F тобындағы бірінші тур матчында Жапония командасымен тең түсті, деп хабарлайды Tengri Sport.
Командалар арасындағы кездесу "Эй-ти-энд-ти Стэдиум" стадионында (Техас, АҚШ) өтті. Естеріңізге сала кетейік, 2022 жылы өткен бұрынғы мундиальда нидерландылықтар ширек финалға дейін жетіп, болашақ чемпиондар – Аргентина құрамасына жол берген болатын.
Өз кезегінде Жапония Қатардағы әлем чемпионатында өнер көрсетуін 1/8 финалда аяқтады, онда пенальти сериясы бойынша болашақ қола жүлдегерлер – Хорватия құрамасынан жеңілді.
Командалар құрамы
Нидерланды: Вербрюгген (Қ), Дюмфрис, Ван Хекке, Ван Дейк, Ван де Вен, Де Йонг, Гравенберх, Рейндерс, Саммервилл, Гакпо, Мален.
Instagram-дағы бұл жарияланымды көру
Жапония: Сузуки, Ватанабэ, Танигути, Ито, Доан, Сано, Камада, Накамура, Кубо, Маэда, Уэда.
🇯🇵🚨 Жапонияның Нидерландыға қарсы Әлем чемпионатының F тобындағы алғашқы матчына негізгі құрамы:
— Japanese Football (@JapaneseFbl) 14 маусым, 2026
Дион Сузуки (Парма 🇮🇹)
Шого Танигути (Сент-Трюйден 🇧🇪)
Цуёси Ватанабэ (Фейеноорд 🇳🇱)
Хироки Ито (Бавария 🇩🇪)
Такефуса Кубо (Реал Сосьедад 🇪🇸)
Рицу Доан (Айнтрахт 🇩🇪) ©️
Дайзен Маэда (Селтик 🏴)
Кейто… pic.twitter.com/MNwvFxs72R
Матч барысы
Бірінші таймда Нидерланды құрамасы допқа көбірек иелік етті – жапондардың 31 пайызына қарсы 69 пайыз, алайда бұл басымдық соғылған голға ұласпады.
Екінші таймның 51-минутында нидерландылықтар есеп ашты: команда капитаны Вирджил Ван Дейк қапталдан асырылған допты басымен қақпаға бағыттады.
Instagram-дағы бұл жарияланымды көру
Алайда арада 6 минут өткенде жапондар есепті теңестірді, Кейто Накамура Нидерланды құрамасының қорғаушысының тасасынан қақпаның жақын бұрышын дәл көздеді.
Instagram-дағы бұл жарияланымды көру
64-минутта "қызғылт сарылар" екінші голын соқты: жартылай қорғаушы Крисенсио Саммервилл допты қапталдан алып, ортаға қарай ойысты да, оны жапондар қақпасының алыс төменгі бұрышына бағыттады.
Instagram-дағы бұл жарияланымды көру
Кездесу соңында, 89-минутта, жапондар есепті тағы да теңестірді. Бұрыштамадан асырылған доптан кейін Коки Огава қақпаға басымен соққы жасады, доп Даичи Камадаға тиіп барып қақпаға түсті.
Instagram-дағы бұл жарияланымды көру
Матчтің қорытынды есебі - 2:2.
Мундиальдың келесі матчтары Кот-д’Ивуар мен Эквадор, сондай-ақ Швеция мен Тунис арасында 15 маусым күні таңертең Қазақстан уақытымен сәйкесінше 04:00-де және 07:00-де өтеді. Матчтардың трансляциясын қайдан және қашан көруге болатынын осы жерден біле аласыз.
