“Бәрі армандайды“: Килиан Мбаппе Әлем чемпионатындағы мақсатын айтты

Мадридтік "Реал" мен Франция құрамасының көшбасшысы Килиан Мбаппе команданың әлем чемпионатындағы мақсаты тек жеңіс екенін мәлімдеді, деп хабарлайды Tengri Sport тілшісі championat.com басылымына сілтеме жасап.

2018 жылғы әлем чемпионы микст-аймақта журналистерге берген сұхбатында құраманың мақсаты ретінде жартылай финалды белгілейтіндерді түсінбейтінін айтты.

"Мақсатымыз - әлем чемпионатында жеңіске жету. Жартылай финал туралы қалай айтуға болатынын түсінбеймін. Егер мақсат 1/2 финалға жету болса, онда жартылай финалға шыққан бойда қол қусырып, үйге қайтуымыз керек пе?

Жоқ! Мақсат - әлем чемпионатында топ жару. Бұл - бәрінің арманы. Ол жаққа баратын әрбір команда жеңіске жеткісі келеді. Егер Франция жартылай финалға шықса, біз мақсатымызға жеттік деп айтпаймыз", - деді ол Солтүстік Ирландияға қарсы ойыннан кейін.

Айта кетейік, кездесу 3:1 есебімен Францияның пайдасына аяқталды, ал үш голды да "Бавария" ойыншысы Майкл Олисе соқты.

Еске сала кетейік, Франция құрамасы соңғы екі әлем чемпионатының финалына дейін жеткен болатын. 2018 жылы олар титулды жеңіп алса, 2022 жылғы финалда Аргентинаға жол берді.

Құрамында Килиан Мбаппе бар Франция командасы әлем чемпионатының топтық кезеңінде Сенегал, Ирак және Норвегиямен ойнайды. Алғашқы матч 16 маусымда өтеді.

Айта кетейік, биылғы 2026 жылғы әлем чемпионаты АҚШ, Мексика және Канадада өтеді және ол 11 маусымнан 20 шілдеге дейін жалғасады.

Футболдан 2026 жылғы ӘЧ кестесі: Қазақстанда қай уақытта көруге болады?

Бұған дейін Италия құрамасының бұрынғы қорғаушысы, қазіргі Өзбекстан құрамасының бас жаттықтырушысы Фабио Каннаваро өз командасының әлем чемпионатын жеңе алмайтынын мәлімдеген.