+7 (777) 001 44
99
Уинтер-Парк (Флорида штаты, АҚШ) қаласындағы жерлеу бюросында қаралы жиын өтті. Боксшының мәйіті салынған табыт ашық қойылды.
Жанына боксшының спорттық мансабындағы суреттері, сондай-ақ 2021 жылы оған табысталған WBC-дің құрметті чемпиондық белбеуі қойылды.
Достары, жақындары және қалың жұртшылық пуэрто-риколық бұрынғы боксшы Причард Колонмен қоштасу үшін Флорида штатының Уинтер-Парк қаласындағы Newcomer жерлеу үйіне жиналды.
— Molusco (@Moluskein) August 19, 2026
Қаралы шаралар сәрсенбі күні еске алу рәсімімен жалғасып, кейін оның денесі Глен зиратына жерленеді... pic.twitter.com/zHVw25Ppo4
Боксшының анасы Ниевес Мелендес көп жыл бойы қолдау білдіріп, дұға еткені үшін жиналғандардың бәріне алғыс айтты.
Еске сала кетейік, бұған дейін танымал экс-боксшы Причард Колон қайтыс болғаны белгілі болған еді. Ол 33 жасында өмірден озды.
Спортшы он жылдан астам уақыт бойы шаршы алаңда алған ауыр жарақатының салдарымен арпалысып келді.
Причард Колон 33 жасында дүниеден өтті, бұл ақпаратты әкесі әлеуметтік желіде растады.
— Ring Magazine (@ringmagazine) 13 тамыз, 2026 жыл
Колон пуэрто-рикалық үміт күттіретін боксшы болды, ол 2015 жылы мансабындағы алғашқы жеңілісінен кейін миына қан құйылып, жеті ай бойы комада жатты.
Есін жиғаннан кейін Колон толық айыға алмады…pic.twitter.com/SodTuPF3iD
Причард Колонның даулы жекпе-жегі
2015 жылғы 17 қазанда Причард Колон америкалық Террел Уильямсқа қарсы жекпе-жекке шықты. Ол кезде 23 жастағы пуэрто-риколық боксшының рекорды 16–0 (13 нокаут) болатын және ол жартылай орта салмақтағы болашағы зор үміт күттіретін спортшылардың бірі саналған еді.
Бұл жекпе-жек қазіргі бокс тарихындағы ең даулы кездесулердің біріне айналды. Уильямс бірнеше рет қарсыласының желкесінен тыйым салынған соққы жасады. Колон төреші Джо Куперге басының артқы бөлігі ауырып жатқанын айтып, бірнеше рет шағымданды. Төреші бір рет қана Уильямстан ұпай шегерді.
Бесінші раундта Колон белден төмен ұрғаны үшін екі айып ұпайын алды. Жетінші раундта желкесінен тиген кезекті соққыдан кейін ол нокдаунға түсті. Ринг маңындағы дәрігер оны тексергенімен, жекпе-жекті жалғастыруға рұқсат берілді.
Тоғызыншы раундта Уильямс Колонды екі рет сұлатып түсірді. Раунд аяқталған соң Колонның командасы жекпе-жек аяқталды деп қателесіп, оның қолғабын шеше бастады. Рефери пуэрто-рикалық боксшыны дисквалификациялады. Бұл оның мансабындағы жалғыз жеңілісі болды.
Ауыр ота мен комадағы 221 күн
БАҚ мәліметінше, жекпе-жектен кейін киім ауыстыру бөлмесінде спортшы құсып, артынша есінен танып қалған. Дәрігерлер оған ауыр субдуральды гематома диагнозын қойды. Ішкі бассүйек қысымын төмендету үшін спортшыға шұғыл гемикраниэктомия жасалып, бассүйегінің бір бөлігі алынып тасталды.
Шұғыл отадан кейін Причард Колон 221 күн комада жатты.
Медиа мәліметінше, ол есін жиғанда миының ауыр зақымдануы қайта қалпына келмейтін салдарға әкеліп соққан. Ол келесі 11 жылға жуық өмірін қарапайым әрекеттердің өзін өз бетінше істей алмайтын күйде өткізді.
🕊️🇵🇷 Пуэрто-рикалық бокстың бұрынғы үміті Причард Колон осы бейсенбіде 33 жасында дүниеден озды. 2015 жылдың қазанында Террел Уильямспен өткен жекпе-жектен кейін миына қан құйылып, ол 221 күн комада жатты және алған жарақаттарынан ешқашан айыға алмады… pic.twitter.com/otVv05askG
— RMC Sport (@RMCsport) 13 тамыз, 2026 жыл
Комадан кейінгі өмір
Боксшының отбасы оған күні-түні күтім жасауды өз мойнына алды. Колонды оңалту орталықтарына апарып, физиотерапия жасалды, компьютер арқылы тілдесуге жағдай жасауға тырысты, бірақ айтарлықтай нәтиже болмады.
БАҚ мәліметтері бойынша, отбасы спорт дәрігері мен промоутерлерді жекпе-жекті уақытында тоқтатпады деп айыптап, олардың үстінен 50 миллион доллардан аса сомаға талап арыз түсірген. Алайда іс сотқа дейін жетпеді.
Бұл ретте спортшы желкеден ұрудың қаншалықты қауіпті екенінің символына айналды, осы оқиғадан кейін бокстағы ережелер қатаңдатылды.
Жатқан жерің жайлы болсын, Причард Колон (1992-2026)🥲
— Legionnaire Combat Sports (@Legionnairecsn) 13 тамыз, 2026 жыл
«Баршаңызға қайырлы таң. Ұлым Причардтың бұл дүниеден өткенін қайғыра хабарлаймын. Ол қазір жақсы жақта» — Ричард Колон#boxing#спорт #жекпежек pic.twitter.com/oa85eqP4Gq
Боксшы атышулы жекпе-жектен кейін 33 жасында қайтыс болды
