ФИФА басшысы жұмыстан шығу қаупіне байланысты Трампқа жүгінді

Фото: instagram.com/gianni_infantino

Халықаралық футбол федерациясының (ФИФА) басшысы Джанни Инфантино қызметінен кету туралы талаптарға байланысты АҚШ президенті Дональд Трампқа жүгінді, деп хабарлайды Tengri Sport журналист Бен Джейкобсқа сілтеме жасап.

Дереккөздің хабарлауынша, Джанни Инфантино ФИФА-дағы жұмысын жалғастыру үшін қолдау алу мақсатында Трамп әкімшілігінің жоғары лауазымды өкілдерімен кездесуге ниетті.

Инфантино қысымның артуы мен қызметтен кету туралы талаптар аясында ұлттық федерацияларды оны ашық қолдауға шақырды.

🚨 Джанни Инфантино ФИФА-дағы қызметін сақтап қалу үшін қолдау іздеп, Трамп әкімшілігінің жоғары лауазымды тұлғаларымен кездесу өткізбек.

Өзіне қатысты отставкаға кету туралы талаптар күшейген тұста, Инфантино федерацияларға хабарласып, олардан ашық қолдау көрсетуді сұрап жатыр.pic.twitter.com/mtCXKMGcEi
— Ben Jacobs (@JacobsBen) 3 тамыз, 2026 жыл

ФИФА-ның ӘЧ төңірегіндегі дауы

Бұған дейін ФИФА FIFA Forward Enterprise (FFE) еншілес компаниясын құруға ниетті екені белгілі болған еді. Ол әлем чемпионаты мен клубтық әлем чемпионатын басқарады. Бұл компанияның 20 пайызға дейінгі үлесін жеке инвесторларға сату жоспарланып отыр.

Көптеген футбол қауымдастығы мен конфедерациялары, соның ішінде УЕФА мен КОНКАКАФ FFE құрылуына байланысты қарсы пікір білдірді.

Сондай-ақ УЕФА өкілдері егер әлем чемпионатының меншік құқығы еншілес ұйымға берілсе, ұйымның барлық 55 мүшесі ФИФА аясындағы жарыстарға қатысудан бас тартатынын мәлімдеді.

ФИФА коммерциялық құқықтар мен операциялық қызметті қадағалайтын жаңа орган — FIFA Forward Enterprise (FFE) құру туралы даулы жоспарды растады. Бұл жеке қатысушылар мен қаржыландыруды талап етеді. УЕФА бұған түбегейлі қарсы шығып, мұны ФИФА президенті Джанни Инфантиноның саудасы деп бағалауда... pic.twitter.com/gvvJtfSzSG
— Ben Jacobs (@JacobsBen) July 28, 2026

ФИФА шешімі

Еуропа, Азия және Солтүстік Америка футбол конфедерацияларының наразылығынан кейін ФИФА президенті әлем чемпионаттарын ұйымдастыру ісіне жеке инвесторларды тарту туралы ұсынысын кері қайтарып алды.

Шұғыл: ФИФА президенті Джанни Инфантино әлемдік футболды басқару органының ішіндегі қарсылықтар мен еуропалық елдердің бойкот жариялау қаупінен кейін Әлем чемпионатындағы үлестерді сату туралы ұсынысынан бас тартты.

Толығырақ: https://t.co/KcABnBesSo pic.twitter.com/TdTMOm8oGF
— ESPN FC (@ESPNFC) July 31, 2026

Бұған дейін УЕФА ФИФА айналасындағы дау және футболдан әлем чемпионаты бойынша жаңа мәлімдеме жасады.

Қазақстан футболдан әлем чемпионатына жасалған бойкотқа қосылды