ФИФА-дағы жанжал: Трамп Инфантиноның жұмыстан босатылуына қатысты пікір білдірді

Фото: instagram.com/gianni_infantino

АҚШ президенті Дональд Трамп Халықаралық футбол федерациясының (ФИФА) басшысы Джанни Инфантиноны қызметінен шеттетуге қатысты пікір білдірді, деп хабарлайды Tengri Sport.

АҚШ президенті Джанни Инфантиноны ФИФА басшысы лауазымынан босату үлкен қателік болатынын мәлімдеді.

Дональд Трамптың пікірінше, тарихтағы ең табысты футболдан әлем чемпионатын өткізген кезде федерацияны басқарған адамды қызметтен кетіруге болмайды.

"Егер ФИФА қандай да бір себеппен президент Джанни Инфантиноны ауыстыруды ойласа, бұл үлкен қателік болады. Ол - тарихындағы ең табысты әлем чемпионатын (төрт рет) басқарған ғажайып тұлға. Егер ол кетсе, чемпионат бұдан былай ешқашан мұндай табысты әрі пайдалы болмайды", - деп келтіреді Трамптың сөзін журналист Бен Джейкобс.

🗣️ АҚШ президенті Дональд Трамп FIFA Forward Enterprise жоспарлары сәтсіздікке ұшырағаннан бері алғаш рет Джанни Инфантиноға жария түрде қолдау білдірді.

“ФИФА қандай да бір себептермен президент Джанни Инфантиноны ауыстыруды қарастырса да, бұл үлкен қателік болар еді.

“Ол керемет жан, оның басқаруымен... pic.twitter.com/kYo4xfbENX
— Ben Jacobs (@JacobsBen) 11 тамыз, 2026 жыл

ФИФА басшысының қызметтен кетуі туралы күдіктер Әлем чемпионаты - 2026-дан кейін пайда болды. Сын-пікірлер мен жұмыстан босату туралы талаптар аясында Джанни Инфантино ФИФА-дағы жұмысын жалғастыру үшін қолдау іздеп, Трамп әкімшілігінің жоғары лауазымды өкілдерімен кездесу өткізді.

Сондай-ақ Инфантино қысым мен отставкаға кету туралы талаптардың күшеюіне байланысты ұлттық федерациялардан оны жария түрде қолдауды сұрап жатыр.

🚨 Джанни Инфантино ФИФА-дағы қызметін сақтап қалу үшін қолдау іздеп, Трамп әкімшілігінің жоғары лауазымды тұлғаларымен кездесу өткізбек.

Өзіне қатысты отставкаға кету туралы талаптар күшейген тұста, Инфантино федерацияларға хабарласып, олардан ашық қолдау көрсетуді сұрап жатыр.pic.twitter.com/mtCXKMGcEi
— Ben Jacobs (@JacobsBen) 3 тамыз, 2026 жыл

УЕФА әлем чемпионатына бойкот жариялаған еді: ФИФА кері шегінді

Еске салайық, шілденің аяғында БАҚ-та ФИФА-ның FIFA Forward Enterprise компаниясын құрып, оған футболдан әлем чемпионаттарын өткізу құқықтарының бір бөлігін беруді көздеп отырғаны туралы ақпарат пайда болды. Іс жүзінде бұл турнирдің шамадан тыс коммерциялануына әкелуі мүмкін екені айтылған болатын.

Бұл мәміле ұйымға шамамен 4 миллиард доллар, ал ФИФА басшылығына жеке бонустар әкелуі мүмкін еді. Жарияланымдар шыққаннан кейін көп ұзамай УЕФА, содан кейін КОНКАКАФ пен АФК оқиғалардың мұндай бағытта өрбуін қатаң сынға алды. УЕФА-ның барлық 55 мүшесі, соның ішінде Қазақстан футбол федерациясы да, егер ФИФА-ның бұл жоспары іске асатын болса, алдағы 2030 жылғы әлем чемпионатына бойкот жариялауға келісті.

Қазақстан футбол федерациясы әлем чемпионатына жасалған бойкотқа пікір білдірді

Әлеуметтік желілер мен БАҚ-тағы шудан кейін ФИФА құқықтарды беру жоспарынан бас тартатыны туралы мәлімдеме жариялады. Дегенмен, қақтығыс мұнымен аяқталған жоқ.

УЕФА федерация басшылығына және жеке президент Джанни Инфантиноға сенімсіздік білдіріп, ФИФА-ға қысым көрсетуді жалғастырды. Бұған жауап ретінде баспасөз қызметі өз басшысын толық қолдайтыны туралы релиз шығарды.

FIFA leadership holds constructive and positive meeting in Rabat, Morocco

The FIFA Secretary General and members of the FIFA Management Board in attendance reaffirmed their full support for FIFA President Gianni Infantino, as the only official elected by the 211 FIFA Member… pic.twitter.com/IlmSOq1se8
- FIFA Media (@fifamedia) August 5, 2026