Футбол аңызы 66 жасында өмірден озды

Фото: instagram.com/francobaresi

Италияның атақты экс-футболшысы, "Милан" клубының аңыз тұлғасы Франко Барези 66 жасында дүниеден озды, деп хабарлайды Tengri Sport.

2026 жылғы 31 шілдеде футбол әлемі орны толмас қазаға ұшырады. Футбол тарихындағы ең ұлы қорғаушылардың бірі Франко Барези 66 жасында өмірден өтті. Аңыздың өлімі туралы ол бүкіл мансабын арнаған жалғыз клубы – "Милан" ресми түрде хабарлады.

"Франко Барезидің қазасынан кейін бүкіл "Милан" қайғырып жатыр. Оның өнегесі мен адалдығы, оның 6-шы нөмірлі аңызға айналған жейдесі секілді, клубтың ДНҚ-сында мәңгі қалады. "Милан" клубының осынау қиын сәтте Франко Барезидің отбасына білдірген көңіл айтуына әрбір "россонери" жанкүйері ортақтасады және бұл қазаны өз қайғысындай сезінеді", - деп жазады "Милан" клубының баспасөз қызметі.

La Storia del Milan è in lacrime per la scomparsa di Franco Baresi. Il suo esempio e la sua profondità saranno, per sempre come la sua maglia numero 6, parte integrante e fondamentale del DNA e del cammino di tutto il Club. Le condoglianze che AC Milan porge alla famiglia tutta… pic.twitter.com/a8wNOCUc2o
— AC Milan (@acmilan) July 31, 2026

Франко Барези - итальян футболының аңызы

Франко Барези 1960 жылы 8 мамырда Травальятода (Италия, Брешиа провинциясы) дүниеге келген. Ата-анасынан ерте айырылып, ол 14 жасында келген "Милан" клубынан нағыз отбасын тапты. Оның бүкіл мансабы - 20 маусым - тек осы бір клубта өтті.

А Сериясындағы дебюті 1978 жылы 23 сәуірде "Веронаға" қарсы матчте болды. Келесі маусымда-ақ 18 жастағы Барези Италия чемпионы атанды. 1980-жылдары "Милан" ауыр кезеңдерді бастан өткеріп, екі рет В Сериясына түсіп қалды (1980 және 1982 жылдары), бірақ Барези клубқа адалдығын сақтап, оның элитаға қайта оралуына көмектесті.

🚨 Heartbreaking news from Italy as legendary defender Franco Baresi has sadly passed away at the age of 66. 💔🇮🇹

🏟️ 719 games for AC Milan
🇮🇹 81 caps
🏆🏆🏆🏆🏆🏆 Serie A
🏆🏆🏆🏆 Supercoppa Italiana
🏆🏆🏆 Champions League
🏆🏆 UEFA Super Cup
🏆🏆 Intercontinental Cup
🏆 World… pic.twitter.com/lIyAvpNRKI
— Football Tweet ⚽ (@Footballtweet) July 31, 2026

Оның нағыз дәуірлеген шағы Арриго Сакки мен Фабио Капелло кезеңіне тұспа-тұс келді. Барези 15 маусым бойы капитан болып, қорғаныстың көшбасшысы болды. Өзінің жарқын мансабында футболшы көптеген трофейге ие болды.

Италияның 6 дүркін чемпионы (1979, 1988, 1992, 1993, 1994, 1996);
3 Еуропа чемпиондары кубогы / Чемпиондар лигасы (1989, 1990, 1994);
2 Құрлықаралық кубок (1989, 1990);
3 Еуропа суперкубогы (1989, 1990, 1994);
4 Италия суперкубогы (1988, 1992, 1993, 1994).

"Милан" сапында ол барлығы 719 ресми матч өткізіп, 33 гол соқты. Оның құрметіне клуб 6-шы нөмірді қолданыстан мәңгілікке шығарып тастады - бұл "россонери" тарихында тұңғыш рет болған жағдай.

🇮🇹 O dia em que Franco Baresi se despediu do football

Participaram do seu jogo de despedida:

Zico, Romário, Ancelotti, Van Basten, Baggio, Gullit, Rijkaard, Redondo, Hierro, Davids, Desailly, Bergomi, Preud'Homme, Weah e Careca

Adeus digno de uma lenda! pic.twitter.com/gkJAFTVXlJ
— Sala12 (@OficialSala12) 8 маусым, 2026 жыл

Италия құрамасы сапында Барези 81 матч ойнады. Ол 1982 жылғы әлем чемпионы атанды, 1990 жылы үшінші орынды иеленді және 1994 жылы финалға дейін жетті (онда Италия Бразилиядан пенальти сериясында ұтылып қалды). Ол - коллекциясында әлем чемпионатының алтын, күміс және қола медалдары бар санаулы футболшылардың бірі.

La Fiorentina esprime profondo cordoglio per la scomparsa di Franco Baresi, autentica leggenda del calcio italiano. Alla sua famiglia, ai suoi cari e a tutto il mondo rossonero giungano le più sincere condoglianze. Il suo ricordo resterà indelebile nella storia di questo sport. pic.twitter.com/uFQtxdLvpo
— ACF Fiorentina (@acffiorentina) July 31, 2026

1997 жылы мансабын аяқтағаннан кейін Барези "Миланда" қалып, клуб құрылымында жұмыс істеді және өмірінің соңғы күндеріне дейін құрметті вице-президент лауазымын атқарды.

Кейінгі жылдары Барези ауыр сырқаттан зардап шекті. 2025 жылдың тамыз айында оның өкпесіндегі түйінді алып тастау үшін ота жасалып, содан кейін ол ем қабылдап жүрді. Ауруына қарамастан, 2026 жылдың ақпанында ол "Милан - Кортина-2026" қысқы Олимпиада ойындарының ашылу салтанатына қатысып, бұрынғы қарсыласы Джузеппе Бергомимен бірге Олимпиада алауын алып өтті.

Poco più di sei mesi fa uno dei momenti più emozionanti della vita di Franco Baresi: lui e Giuseppe Bergomi che arrivano a San Siro con la fiaccola olimpica nella cerimonia di apertura di Milano-Cortina.

Brividi.

🥹🥹🥹 pic.twitter.com/VeHgewaH3J
— Matteo Di Gangi (@MatteoDG93) July 31, 2026

Франко Барези өмірден өткенімен, ол адалдықтың, парасаттылықтың және ұлы итальян футболының символы ретінде мәңгі қалады.