Футболдан Әлем чемпионаты жаңа рекорд орнатты

Фото: thenews2.com/ depositphotos.com

АҚШ, Мексика және Канадада өтіп жатқан футболдан Әлем чемпионаты көрермен саны бойынша жаңа рекорд орнатты, деп хабарлайды Tengri Sport тілшісі nbcnews-ке сілтеме жасап.

АҚШ, Мексика және Канадада өтіп жатқан футболдан Әлем чемпионаты көрермен саны бойынша жаңа рекорд орнатты, деп хабарлайды Tengri Sport тілшісі nbcnews-ке сілтеме жасап.

БАҚ мәліметінше, мундиальға келушілер саны топтық кезең аяқталмай жатып 3,6 миллион адамға жеткен.

Бұл рекорд көрсеткіш тіркелген 1994 жылғы турнирден де асып түсті. Ресми дерек бойынша, ол кезде Әлем чемпионаты матчтерін 3 миллион 587 мың 538 адам тамашалаған болатын.

"Германия – Эквадор және Кот-д’Ивуар – Кюрасао арасындағы қатар өткен екі ойыннан кейін 3 605 357 адаммен жаңа рекорд орнатылды", - деп жазады басылым.

Айта кетейік, бұл ойындар турнирдегі 55-ші және 56-шы матч қана болды, ал барлығы 104 кездесу жоспарланған.

Осылайша, рекорд екі есе жаңарып, мундиаль көрермендерінің саны 7 миллионнан асуы мүмкін.

Еске сала кетейік, турнир тарихта алғаш рет бірден үш елде өтіп жатыр, сондай-ақ қатысушылар саны рекорд көрсеткішке жетті – 48 команда. Әлем чемпионаты 20 шілдеге қараған түні аяқталады.