+7 (777) 001 44
99
1/16 финалдың алғашқы ойындарының қорытындысы бойынша әлем чемпионатының ширек финалына жолдама алу үшін таласатын алғашқы қарсыластар белгілі болды, деп хабарлайды Tengri Sport.
Оңтүстік Африка Республикасы мен Нидерланды құрамаларын жеңгеннен кейін 1/8 финалда Канада мен Марокко құрамалары кездеседі.
Матч сенбі күні, 4 шілдеде Хьюстонда (АҚШ) өтеді. Ойын Қазақстан уақытымен сағат 22:00-де басталады.
Канада құрамасы үшін бұл ойын команда тарихындағы әлем чемпионатының 1/8 финалындағы алғашқы матч болмақ. Ал марокколықтар үшін әлем біріншілігіндегі ең үздік нәтиже - Қатарда өткен турнирдегі 4-орын.
Канада - Марокко: басты жұлдыздар
Екі команданың да үздік ойыншылары еуропалық футболдың топ-клубтарында өнер көрсетеді. Канадалықтар сапында бұл - Альфонсо Дэвис ("Бавария") және Джонатан Дэвид ("Ювентус").
Instagram-дағы бұл жарияланымды көру
Марокко құрамасындағы басты жұлдыз - ПСЖ сапында Чемпиондар лигасының екі дүркін жеңімпазы атанған Ашраф Хакими. Сондай-ақ мадридтік "Реалдың" ойыншысы Браим Диас та командадағы жұлдызды мәртебеге ие.
Instagram-дағы бұл жарияланымды көру
Марокко - Канада: кездесулер тарихы
Өзара кездесулер статистикасына сүйенсек, бұл матчтің айқын фавориті Марокко командасы болмақ. Олар төрт ойынның үшеуінде жеңіске жетіп, тағы бір кездесуді тең аяқтаған.
Командалар соңғы рет ӘЧ-2022 топтық кезеңінде өзара ойнаған болатын. Ол жолы Африка құрамасы 2:1 есебімен басым түсті.
Еске сала кетейік, 1/16 финалда Марокко құрамасы Нидерланды командасын пенальти сериясында жеңген болатын.
Ал Канада командасы негізгі уақытта ОАР құрамасынан басым түсті.
