Хамзат Чимаевтің жаңа промоушендегі жекпе-жегі жарияланды

Фото: instagram.com/khamzat_chimaev

Біріккен Араб Әмірліктерінің намысын қорғайтын UFC-дің танымал экс-чемпионы Хамзат Чимаев RAF лигасында америкалық Тайрон Вудлимен жекпе-жек өткізеді, деп хабарлайды Tengri Sport.

Америкалық RAF күрес ұйымы 5 қыркүйекте Мәскеуде (Ресей) өтетін турнирді жариялады. Кештің басты жекпе-жегінде UFC-дің орта салмақтағы бұрынғы чемпионы Хамзат Чимаев пен жартылай орта салмақтағы белбеудің экс-иегері Тайрон Вудли кездеседі.

Instagram-дағы бұл жарияланымды көру

Real American Freestyle (@rafwrestlingusa) жарияланымы

RAF (Real American Freestyle) лигасы - 2025 жылы құрылған америкалық кәсіби ұйым. Оның негізгі мақсаты - еркін күресті насихаттау.

Айта кетейік, RAF лигасында түрлі спорт түріннен бірнеше қазақстандық өнер көрсетеді. Мысалы, еркін күрестен әлем чемпионы Ризабек Айтмұхан мен UFC-дегі қазақстандық үздік файтер Асу Алмабаев бар.

Instagram-дағы бұл жарияланымды көру

Real American Freestyle (@rafwrestlingusa) жарияланымы

Еске сала кетейік, Хамзат Чимаев орта салмақта UFC чемпионы болған, кейін оның белбеуін америкалық Шон Стрикленд тартып алды. Бұл оқиға 10 мамырда Ньюарк қаласындағы (Нью-Джерси штаты, АҚШ) аренада өткен UFC 328 турнирінде болды.

Бірінші кезеңде Чимаев тез арада тейкдаун жасап, бүкіл бес минут бойы Стриклендті бақылауда ұстады. Алайда келесі раундтарда "Борз" көпшілік күткеніне қарамастан, күреске бармай, америкалықпен тік тұрып айқасты.

Бұл Стриклендтің өзін де таңғалдырды, ол жекпе-жек бойы аяққа өту мен партерге түсіруді күтіп, жекелеген соққылар бағыттап, қашықтықты сақтады. Бірақ көрермендер Чимаевтан партердегі басымдықты көре алмады, ал Стрикленд оны тік тұрған қалыпта соққылармен басып түсіп, эпизодтарды өз пайдасына шешті. Нәтижесінде төрешілер оған жеңісті берді.

Тайрон Вудли де бұрын UFC чемпионы болған және жартылай орта салмақтағы ең мықты файтерлердің бірі саналды. 2016 жылдың жазында өткен UFC 201 турнирінде ол аңызға айналған Робби Лоулерді нокаутқа түсіріп, әлемнің ең мықты лигасының чемпионы атанды.

⏪ ОСЫ КҮНІ - 30 шілде, 2016 жыл

Тайрон Вудли UFC-дің жартылай орта салмақтағы чемпионы атанды.

Вудли UFC 201 турнирінде Робби Лоулерді бірінші раундта нокаутқа түсіріп, жартылай орта салмақ дәрежесіндегі титулды жеңіп алды.

Бұл UFC тарихындағы жартылай орта салмақтағы чемпиондық жекпе-жектер арасындағы ең жылдам аяқталған кездесу болды.pic.twitter.com/eDSKwSDSIV
- Ten Years Ago Sports (@Sport10YearsAgo) July 31, 2026

Осыдан кейін ол Стивен Томпсон, Демиан Майя және Даррен Тиллге қарсы үш рет белбеуін сәтті қорғады. Алайда UFC 235 турнирінде төрешілер шешімімен Камару Усманнан жеңіліп, титулынан айырылды. Кейін қатарынан үш рет жеңіліске ұшырап, Тайрон Вудли UFC-дегі өнерін тоқтатты.