Холанд Винисиусқа қарсы: Әлем чемпионаты 1/8 финалының келесі жұптары белгілі болды

Футболдан әлем чемпионаты плей-офф кезеңі матчтерінің қорытындысы бойынша 1/8 финалдың тағы екі жұбы анықталды, деп хабарлайды Tengri Sport.

1/16 финалдағы жеңістерінен кейін Бразилия мен Норвегия құрамалары плей-оффтың келесі кезеңінде бір-біріне қарсы ойнайды.

Бұдан бөлек, Франция құрамасының Парагвай командасына қарсы ойнайтыны белгілі болды.

Осылайша, 1 шілдедегі жағдай бойынша 2026 жылғы Әлем чемпионатының 1/8 финалының үш жұбы белгілі.

• 04.07.2026 22:00 Канада - Марокко
• 05.07.2026 02:00 Парагвай - Франция
• 06.07.2026 01:00 Бразилия - Норвегия

Винисиус пен Холанд сұрмергендер жарысында

Айта кетейік, Бразилия - Норвегия матчінде алаңға әлем чемпионатының басты сұрмергендерінің бірі: мадридтік "Реалдың" шабуылшысы Винисиус Жуниор мен "Манчестер Сити" форварды Эрлинг Холанд шығады.

Қазіргі уақытта Холандтың еншісінде бес гол бар және ол Мбаппе мен Мессиден кейін рейтингте екінші орында тұр. Винисиустың еншісінде төрт гол бар.

Бұған дейін футболдан әлем чемпионатынан Эквадор командасы шығып қалған болатын - олар 1/16 финалда Мексика құрамасына есе жіберді.

Бұдан бөлек, Франция құрамасы Швецияны ойсырата жеңіп, 1/8 финалдың кезекті қатысушысы атанды.

Ал норвегиялықтар Эрлинг Холандтың голының арқасында 1/16 финалда Кот-д’Ивуар құрамасын жеңді.