Ислам Махачев қазақстандықтар бар лигадағы бокс жекпе-жегіне келісті

Фото: instagram.com/islam_makhachev

Жартылай орта салмақтағы UFC чемпионы Ислам Махачев Zuffa Boxing лигасында бокс кешін өткізуі мүмкін екенін айтты, деп хабарлайды Tengri Sport.

MMA Junkie басылымына берген сұхбатында UFC-дің атақты чемпионы ықпалды промоутер Турки Аль аш-Шейхпен келіссөз жүргізгенін және оған Zuffa Boxing промоушені аясында бокс жекпе-жегін өткізу ұсынылғанын мәлімдеді.

"Біз Zuffa Boxing аясындағы бокс жекпе-жегі бойынша жақсы келіссөз жүргізіп жатырмыз. Турки Аль аш-Шейхпен сөйлестік. Ол: "Боксқа дайын болған кезде хабарлас, бірдеңе ұйымдастырамыз" деді. Басқа файтерлермен неге боксқа түспеске? Неге болмасқа?" - деді Махачев.

Айта кетейік, былтыр UFC басшысы Дана Уайт басқаратын Zuffa промоушенімен жартылай орта салмақтағы қазақстандық боксшы Данияр Елеусінов келісімшартқа отырған болатын.

Дегенмен, қазақстандық спортшы осы уақытқа дейін жаңа лигада жекпе-жек өткізген жоқ.

Instagram-дағы бұл жарияланымды көру

Публикация: Қазақстан Кәсіпқой Боксы (@kazboxingtm)

Сондай-ақ Zuffa Boxing лигасында тағы бір қазақстандық ауыр салмақ өкілі Иван Дычко өнер көрсетеді.

Instagram-дағы бұл жарияланымды көру

Публикация: Tom Yankello-World ClassBoxing (@tomyankelloboxing)

Ислам Махачевке келетін болсақ, оның келесі жекпе-жегі 15 тамызда Филадельфиядағы (Пенсильвания штаты, АҚШ) Xfinity Mobile Arena-да өтетін UFC 330 турнирі аясында жоспарланған.

Оның қарсыласы ирландиялық файтер Иэн Гэрри болады, ал бәске жартылай орта салмақтағы UFC чемпионының белбеуі тігіледі.