+7 (777) 001 44
99
Португалия құрамасының жұлдызды шабуылшысы Криштиану Роналдудың анасы Мария Долорес Авейру ұлының футболдағы қиын жолы туралы пікір білдірді, деп хабарлайды Tengri Sport.
Португал футболы жұлдызының анасы ұлының мансабындағы кездескен қиындықтар туралы айтты. Мария Долорес Авейру ұлы екеуі ең төменнен көтерілгенін және өз жолдарын соңына дейін жалғастыратынын мәлімдеді.
"Ұрпақтар жадында қалатын тарихтың анасы болу өмірдің маған берген ең үлкен сыйы. Маған қиын болса да, тағдыршешті шешімдер қабылдауға тура келді. Менің ақпараттан кенде болуым ешқашан түйсігімнен басым түскен емес. Біз ең төменнен бастадық, енді бұрынғыдан да күшейе түсіп, алға жылжуды жалғастырамыз. Соңына дейін", - деп жазды Роналдудың анасы әлеуметтік желіде.
Instagram-дағы бұл жарияланымды көру
Айта кетейік, Криштиану Роналду 41 жасында Португалия құрамасы сапында өнер көрсетуін жалғастырып, 2026 жылғы Әлем чемпионатында ел намысын қорғап жүр.
Топтық кезеңнің алғашқы матчінде португалдықтар Конго ДР құрамасымен 1:1 есебімен тең түсті.
Instagram-дағы бұл жарияланымды көру
Өзбекстанға қарсы екінші турда Криштиану дубль жасап, командаға 5:0 есебімен жеңіс сыйлады. Осылайша ол тарихта алты Әлем чемпионатында гол соққан алғашқы ойыншы атанды.
Instagram-дағы бұл жарияланымды көру
Топтық кезеңнің соңғы матчінде Колумбиямен өткен ойын 0:0 есебімен аяқталды. Осы нәтижелердің арқасында Португалия құрамасы өз тобында екінші орын алып, плей-офф сатысына жолдама алды.
Instagram-дағы бұл жарияланымды көру
Криштиану Роналдудың анасы
Мария Долорес Авейру португалдық атақты футболшы Криштиану Роналдудың анасы.
Ол өте кедей отбасында өскен, анасынан ерте айырылып, бала кезінен көп еңбек еткен. Төрт баласын асырау үшін өмір бойы аспаз және еден жуушы болып жұмыс істеді. Криштиану отбасындағы кенже бала.
Instagram-дағы бұл жарияланымды көру
Өмірдің ауыр тауқыметіне қарамастан, Мария әрдайым ұлының талантына сеніп, оның футболшы болу арманына қолдау көрсетті. Ол ұлының жаттығуы үшін көп нәрсені құрбан етті. Болашақ рекордшы мінезінің қалыптасуына анасының ерік-жігері мен шексіз махаббаты үлкен әсер етті.
Instagram-дағы бұл жарияланымды көру
Бүгінде Долорес мейірімді әже, Instagram-ның белсенді қолданушысы және Роналдудың үлкен отбасының маңызды мүшесі. Ол сүт безі қатерлі ісігін екі рет жеңіп шықты және Криштианудың өміріндегі ең жақын әрі ықпалды жандардың бірі болып қала береді.
Instagram-дағы бұл жарияланымды көру
Әлем чемпионатының плей-офф кестесі: Месси мен Роналду финалда кездесуі мүмкін
Тағы оқыңыз: Винисиус Роналду мен Мессидің рекордын қайталап, тарихқа енді
