+7 (777) 001 44
99
Өзбекстандық жанкүйерлер футболдан Әлем чемпионатындағы жанкүйерлер фестивалінің басты оқиғаларының біріне айналды. Олар костюмдері көпшіліктен ерекшелендіріп тұрды, деп хабарлайды Tengri Sport мексикалық БАҚ-қа сілтеме жасап.
Diario Record басылымы Өзбекстан құрамасының турнирдегі алғашқы матчі қарсаңында Мексикадағы фан-фестен видео жариялады. Бейнежазбада сауыт киіп, Өзбекстан туын ұстаған бойшаң жігіт өз командасы әлем чемпионы болатынын айтады.
"Жұрттың назарын аударып жатыр! Өзбекстаннан келген жанкүйерлердің үлкен тобы фан-фесте нағыз сенсацияға айналды. Бәрі олармен суретке түскісі келеді", - деп жазды басылым видео сипаттамасында.
Пікір қалдырушылар жанкүйерлердің сырт келбетіне таңғалып, Өзбекстанның Әлем чемпионатындағы алғашқы ойыны "Ацтека" стадионының тарихына енуі мүмкін деген болжам жасап жатыр.
"Ержүрек жауынгерлердің ұрпақтары", - деп жазды қолданушылардың бірі.
"Өзбектердің рыцарьлар сияқты киінгені мені таңғалдырды; Өзбекстанның ортағасырлық тарихын оқып шығу керек екен", - дейді екіншісі.
"Колумбия - Өзбекстан матчі "Ацтека" стадионы тарихындағы ең қызықты ойын болатыны сөзсіз", - деді үшіншісі.
Еске сала кетейік, Өзбекстан құрамасының Әлем чемпионатындағы дебюті ертең, 18 маусымда Мехикода (Мексика) өтеді. Мачтің басталуы Қазақстан уақыты бойынша сағат 07:00-ге жоспарланған.
Өзбекстан құрамасының қарсыласы туралы толығырақ ақпарат пен кездесу трансляциясына сілтемені мына жерден таба аласыз.
¡ROBÁNDOSE LA MIRADA DE TODOS! 😳🔥
— DIARIO RÉCORD (@record_mexico) June 16, 2026
Aficionados de Uzbekistán bastante grandes, son la sensación en el fan fest.
Todos se querían tomar foto con ellos.
📹 @myt_guzman pic.twitter.com/umyTS6lJDB
Тағы оқыңыз: Холанд пен Мбаппенің дублі, Мессидің хет-тригі: Әлем чемпионатының кезекті матчтері қалай өтті?
