+7 (777) 001 44
99
Нидерланды құрамасы мен ағылшындық "Ливерпульдің" жұлдызды шабуылшысы Коди Гакпо Әлем чемпионатының Мароккоға қарсы матчында гол соғып, оны шетінеп кеткен ұлына арнады, деп хабарлайды Tengri Sport.
Танымал голландиялық ойыншы Коди Гакпо 2026 жылғы ӘЧ 1/16 финалындағы Марокко құрамасына қарсы ойында есеп ашты.
"Ливерпуль" жұлдызы соққан голын өзі мен сүйіктісі бірнеше күн бұрын айырылып қалған дүниеге келмеген ұлына арнады.
Гакпомен бірге голды бүкіл команда тойлап, футболшыны қоршап алып, оған қолдау көрсетті.
Instagram-дағы бұл жарияланымды көру
Еске сала кетейік, матчтің негізгі уақыты 1:1 есебімен тең аяқталды. Қосымша уақытта да гол соғылмаған соң, кездесу пенальти сериясына ұласты.
Пенальти сериясында Марокко командасы басым түсті (3:2).
Осылайша, Марокко құрамасы әлем чемпионатының 1/8 финалына жолдама алса, Нидерланды құрамасы турнирмен қоштасты.
Instagram-дағы бұл жарияланымды көру
Гакпо 2026 жылғы ӘЧ кезінде ұлынан айырылды
Әлем чемпионаты кезінде Коди Гакпо ауыр жеке трагедияны бастан өткерді. Оның жары Ноа ван дер Бей есімдерін Элайджа Рафаэль Гакпо деп қойған асыға күткен екінші ұлының құрсақта шетінеп кеткенін хабарлады.
Қайғыдан қабырғасы қайысқан жұп әлеуметтік желіде әсерлі жазба жариялады. Қайғылы жағдайға қарамастан, Гакпо командамен бірге қалып, турнирдегі өнерін жалғастыру туралы шешім қабылдады.
Скриншот: instagram.com/noavdbij
ӘЧ плей-офф кезеңіндегі Нидерланды - Марокко матчының тағдырын пенальти сериясы шешті
Бұған дейін әлем чемпионатының 1/16 финалындағы Германия мен Парагвай құрамалары арасындағы матч пенальти сериясындағы сенсациямен аяқталған болатын.
