“Өзін француз санайды“: “Реал“ ӘЧ-де басы дауға қалған Мбаппеге қатысты пікір білдірді

"Реалдың" мәлімдемесінде футболдың теңдік пен ынтымақтастық алаңы екені, ал клуб ксенофобия мен нәсілшілдікке әрдайым қарсы шығатыны атап өтілген.

"Мадридтік "Реал" футбол клубы Парагвай сенаторы Селеста Амарильяның біздің ойыншымыз Килиан Мбаппеге бағытталған сорақы нәсілшілдік және ксенофобиялық мәлімдемелерін қатаң айыптайды.

Біздің клуб саяси өкілге лайық емес мұндай мәлімдемелерді үзілді-кесілді айыптайды және миллиондаған адам үшін, әсіресе бүкіл әлемдегі балалар үшін үлгі болған ойыншымыз Килиан Мбаппеге толық қолдау білдіреді", - делінген жарияланымда.

Айта кетейік, мадридтік "Реалдың" шабуылшысы Франция құрамасының сапында әлем чемпионатының 1/4 финалына шықты.

Алдыңғы кезеңде ол Парагвай қақпасына жеңіс голын соқты, бұл даудың басталуына себеп болды.

Килиан Мбаппеге қатысты нәсілшілдік дау: не болды?

Еске сала кетейік, әлеуметтік желідегі даулы жазбаны Парагвай сенаторы Селеста Амарилья жариялаған болатын. Жұртшылық оның Мбаппені "өзін француз ретінде көрсететін камерундық" деп атап, оны "тез байыған, паң әрі ұсқынсыз қаскөй" деген сөздеріне наразы болды.

Бұған жауап ретінде Мбаппе оны Парагвай туралы жағымсыз әсер қалдыратын "жиіркенішті әйел" деп атады.

Килианға Франция футбол федерациясы қолдау көрсетті, ал Парагвай СІМ оның мәлімдемелері елдің құндылықтарына қайшы келетінін мәлімдеуге асықты.

Франция құрамасы қатарынан үшінші рет Әлем чемпионатының финалына шығуы мүмкін

Айта кетейік, француздар 2026 жылғы әлем чемпионатының басты фавориттерінің бірі саналады. Команда топтық кезеңдегі барлық матчте сенімді жеңіске жетіп, плей-офф кезеңінде Швеция мен Парагвайдан басым түсті.

1/4 финалда француздар Марокко құрамасымен кездеседі. Ойын Қазақстан уақыты бойынша бейсенбіден жұмаға қараған түні өтеді.

Еске салсақ, Франция құрамасы өткен Әлем чемпионатының финалында Аргентина командасына пенальти сериясында есе жіберген болатын, ал 2018 жылы финалда Хорватия құрамасын жеңіп, кубокты иеленген еді.

"Өзін француз санайды": Килиан Мбаппе ӘЧ-2026-да дауға қалды

Бұған дейін ӘЧ-2026-ның тағы бір фавориті Аргентина құрамасы 1/8 финалда Мысыр командасымен өткен матч тағдырын өз пайдасына шешіп, ширек финалға шыққан болатын.

Ал әлем чемпионатының 1/4 финалының соңғы қатысушысы Колумбия мен Швейцария арасындағы пенальти сериясында анықталды. Еуропалық ұжым мықтырақ болды.

2026 жылғы Әлем чемпионатының 1/4 финалындағы барлық жұп анықталды