Роналдудың бұрынғы бапкері Португалия құрамасына келеді - БАҚ

A Bola ақпаратынша, келесі циклге құраманы Жорже Жезуш дайындайды. 71 жастағы маманның соңғы жұмыс орны Сауд Арабиясының "Әл-Наср" клубы болды, бұл командада Роналду мен құраманың тағы бір ойыншысы Жоау Феликс өнер көрсетеді.

Айта кетейік, Криштиану Роналду Сауд Арабиясындағы алғашқы титулын дәл осы Жезуштың қол астында алған болатын. Чемпионаттағы жеңістен кейін бапкер клубтан кетіп, қазір еркін агент болып отыр.

Роберто Мартинес әлем чемпионатының 1/8 финалында Испаниядан жеңілгеннен кейін бірден қызметінен кеткен болатын.

Роналду әлем чемпионатындағы соңғы матчін өткізді

Еске сала кетейік, испаниялықтарға қарсы ойын Португалия құрамасының көшбасшысы Криштиану Роналду үшін мундиалдардағы соңғы матч болды. Ойыншы бұл туралы матчтен кейін БАҚ-қа өзі мәлімдеді.

Португалиялықтар тек қосымша уақытта гол жіберіп алып, 0:1 есебімен есе жіберді.

Айта кетейік, Роналду құрама сапындағы мансабында көптеген рекордтарды жаңартып, Еуропа чемпионатын және екі рет Ұлттар лигасын жеңіп алды, бірақ әлем кубогын иелене алмады.

Испания құрамасы Португалияны жеңіп, Әлем чемпионатының 1/4 финалына шықты

Бұған дейін испандықтардан жеңілгеннен кейін Роналдудың көз жасына ерік берген сәттері бейнеленген кадрлар жарияланған болатын.