“Соккер емес, футбол“: аңыз ойыншы АҚШ құрамасын атышулы жеңілістен кейін келемеждеді

"Милан" мен "Барселонаның" бұрынғы шабуылшысы Златан Ибрагимович әлеуметтік желіде командалардың Әлем чемпионатынан шығып қалуына белсенді түрде пікір білдіріп жүр.

Дегенмен, футбол аңызының АҚШ құрамасының турнирден шығып қалуына берген реакциясы жазылған видео ең үлкен резонанс тудырды.

"АҚШ құрамасы шығып қалды. Сонымен, сіздердің америкалық армандарыңыз аяқталды. Келесі жолы мұны соккер емес, футбол деп атаңыздар, жарай ма?" - деп келемеждеді Златан Ибрагимович.

АҚШ ӘЧ-2026-дан шығып қалды

Еске сала кетейік, АҚШ құрамасы ӘЧ-2026 ширек финалына жолдама беретін матчте Бельгия ұлттық құрамасынан жеңіліп қалды. Алғашқы голды 9-минутта бельгиялық шабуылшы Шарль де Кетеларе соқты.

31-минутта америкалық жартылай қорғаушы Малик Тилльман айып добынан гол соғып есепті теңестіргенімен, небәрі 2 минуттан соң Де Кетеларе өз командасын қайта алға шығарды.

Кейін, 57-минутта Ханс Ванакен қақпашыны алдап өтіп, бельгиялықтардың басымдығын арттырса, ойын соңында Ромелу Лукаку есепті арттырды. Кездесудің қорытынды есебі - 1:4.

"Қызыл сайтандардың" баспасөз қызметі де АҚШ құрамасы мен ФИФА-ны келемеж етті. Бельгиялықтар: "Мұның күшін жойыңыздар" деген жазба жариялады. Бұл америкалық ойыншы Фоларин Балогунның қызыл қағазының күшін жоюға қатысты даулы жағдайға меңзеу деп бағаланып отыр.

АҚШ құрамасына қатысты ӘЧ-2026-дағы дау: егжей-тегжейі

Еске сала кетейік, АҚШ - Бельгия матчі қарсаңында ФИФА тәртіптік комитеті тарихта алғаш рет ойыншының қызыл қағазының күшін жойды.

Бельгиялық БАҚ бұл шешім АҚШ президенті Дональд Трамптың әлемдік футбол басшысы Джанни Инфантиноға телефон соғуынан кейін қабылданғанын алға тартты.

Президент Truth Social әлеуметтік желісінде бұл нұсқаны жанама түрде растап, ұйымға америкалық ойыншының шеттетілуін тоқтатқаны үшін алғыс айтты.

Бұл ретте Инфантиноның өзі ФИФА тәртіптік комитеті ұйым басшылығынан да тәуелсіз әрекет ететінін және оның шешімдеріне ықпал ете алмайтынын атап өтті.

Испания Португалияны жеңгеннен кейін Гиннесстің ерекше рекордын орнатты

“Әлем қуанып жатыр“: Иран АҚШ-тың Әлем чемпионатынан шығып қалуына қатысты пікір білдірді

“Өзін француз санайды“: Килиан Мбаппе ӘЧ-2026-да дауға қалды