+7 (777) 001 44
99
2026 жылғы әлем чемпионатының F тобындағы Тунис пен Нидерланд, сондай-ақ Жапония пен Швеция құрамалары арасындағы матчтер аяқталды, деп хабарлайды Tengri Sport.
Тунис - Нидерланд
Матчтің басында-ақ Тунис құрамасының қорғаушысы Эллиес Скири өз қақпасына гол соғып алды. Жетінші минутта нидерландық шабуылшы Брайан Бробби көзге түсті.
2026 жылғы Әлем чемпионатындағы Эквадор - Германия матчы сенсациямен аяқталды
54-минутта Тунис шабуылшысы Хазем Мастури бір гол салып, есеп айырмасын қысқартты. 62-минутта қорғаушы Ян Паул ван Хекке Нидерланд құрамасының үшінші голын соқты.
Есеп - 1:3.
Тунис құрамасы F тобының турнирлік кестесінде төртінші орынға тұрақтады. Команда үш матчте бірде-бір ұпай жинай алмай, турнирден шығып қалды. Нидерланд жеті ұпаймен бірінші орын иеленді.
Жапония - Швеция
Бірінші таймда командалар бір-бірін аңдысып, қақпаларын голдан аман сақтады. Тек 56-минутта Рицу Доанның пасынан кейін Дайдзэн Маэда жапондарды алға шығарса, 62-минутта Энтони Эланга айып алаңының оң жақ бұрышынан әдемі соққы жасап, "көк самурайлар" қақпасына гол салып, есепті теңестірді.
Қорытынды есеп - 1:1.
F тобындағы үш турдан кейін Жапония құрамасы бес ұпай жинап, екінші орында тұр. Төрт ұпайы бар Швеция үшінші сатыға жайғасты.
Швеция құрамасы 2026 жылғы әлем чемпионатында өз тобында үшінші орын алып, турнирдің 1/16 финалына жолдама алған үшінші команда болды.
