+7 (777) 001 44
99
26 маусымға қараған түні Германия құрамасы Е тобының қорытынды турында Эквадор командасынан жеңіліп қалды, деп хабарлайды Tengri Sport.
Матч "Метлайф-стэдиум" стадионында (Нью-Джерси, АҚШ) өтті.
Еске сала кетейік, өткен матчтарда немістер Кюрасао құрамасын ойсырата ұтып, Кот-д'Ивуарды ең төменгі есеппен жеңген болатын. Ал Эквадорға келер болсақ, оңтүстікамерикалықтар ивуарлықтардан ұтылып, Кюрасаомен тең түскен еді.
Екі турдан кейін немістер топтан шығу мәселесін шешіп қойған, ал Эквадор құрамасына келесі кезеңге өту үшін осы кездесуде жеңіске жету қажет болды.
Матч барысы
Германия есепті 2-минутта-ақ ашты: вингер Лерой Сане бұрышқа дәл соққы бағыттап, немістерді алға шығарды.
Бірақ 9-минутта эквадорлықтар есепті теңестірді, вингер Нилсон Ангуло қақпаның оң жақ төменгі бұрышына тамаша соққы жасады.
77-минутта Эквадор алға шықты: бұрыштамадан асырылған доптан кейін жартылай қорғаушы Кевин Родригес допты шабуылшы Гонсало Платаға ыңғайлап берді, ол жақын қашықтықтан Мануэль Нойер қорғаған қақпаны дәл көздеді.
Матчтың қорытынды есебі - 2:1, Эквадор құрамасының пайдасына.
Instagram-дағы бұл жарияланымды көру
Осылайша, Эквадор құрамасы үшінші орынмен 1/16 финалға жолдама алды.
Параллель өткен матчта Кот-д’Ивуар Кюрасао командасын 2:0 есебімен жеңіп, екінші орынға жайғасты.
Скриншот: flashscorekz.com
Мундиальдағы келесі кездесулер - Тунис пен Нидерланд, Жапония мен Швеция, сондай-ақ Түркия мен АҚШ, Парагвай мен Австралия құрамалары арасында 26 маусымға қараған түні Қазақстан уақытымен тиісінше 04:00-де және 07:00-де өтеді.
