Түркияның алғашқы жеңісі және тең ойын: Әлем чемпионаты матчтерінің қорытындысы

Фото: mrogowski_photography/depositphotos.com

26 маусымдағы футболдан әлем чемпионатының ойын күні D тобындағы кездесулермен аяқталды. Турнир қожайындары – америкалықтар Түркияға қарсы ойнаса, Австралия мен Парагвай екінші орын үшін таласқа түсті, деп хабарлайды Tengri Sport.

26 маусымдағы футболдан әлем чемпионатының ойын күні D тобындағы кездесулермен аяқталды. Турнир қожайындары – америкалықтар Түркияға қарсы ойнаса, Австралия мен Парагвай екінші орын үшін таласқа түсті, деп хабарлайды Tengri Sport.

Қатарынан екі жеңілістен кейін Түркия құрамасы топтан шығу мүмкіндігінен айырылып қалған болатын, сондықтан АҚШ-қа қарсы ойында "есікті қатты жауып" кетуді көздеді. Ал Австралия мен Парагвай үшін өзара кездесуде тең есеп тиімді еді: жеңіліс командалардың бірінің топтан шығуына қауіп төндірсе, тең ойын екеуін де плей-оффқа алып шығатын.

Түркия құрамасы ӘЧ-2026-дағы алғашқы голын соқты

Топтық кезеңнің алғашқы екі турының ең таңғаларлық статистикалық көрсеткіштерінің бірі түрік футболшыларының жолы болмауымен байланысты. 62 соққы және 0 гол – сәттерді пайдаланудың төмен көрсеткіші.

Америкалықтармен матчте сәтсіздіктер сериясын еңсерудің сәті түсті – 10-минутта "Реалдың" жартылай қорғаушысы Арда Гюлер гол соқты. Рас, АҚШ сапынан Остон Трасти кездесудің 3-минутында-ақ есеп ашқан болатын.

31-минутта Оркун Көкшюдің күшімен Түркия құрамасы алғаш рет алға шықты.

Америкалықтар екінші таймда есепті теңестірді – 49-минутта Себастьян Берхалтер төменгі бұрышқа дәл соққы бағыттады.

Бірақ қосымша уақытта Каан Айхан жақын қашықтықтан түріктердің ұзақ комбинациясын түйіндеп, америкалықтарды турнирдегі алғашқы жеңілісіне ұшыратты.

Матч қорытындысы - 3:2.

Instagram-дағы бұл жарияланымды көру

@millitakimlar жарияланымы

Нөл де нөл - көңілсіз есеп

Екі командаға бар болғаны үш дәл соққы және таблодағы 0:0 есебі – Парагвай - Австралия матчінің жанкүйерлері үшін көңіл көншітпейтін бірінші тайм қорытындысы осындай болды. Алайда осы құрамалардың жанкүйерлері үшін дәл осы нәтиже – плей-оффқа шығудың кепілі.

Екінші таймда соққылар саны артқанымен, нәтиже өзгеріссіз қалды.

Матч қорытындысы - 0:0.

D тобындағы командалардың жағдайы

АҚШ - 6 ұпай;
Австралия - 5 ұпай (айырмашылық - 0);
Парагвай - 5 ұпай (айырмашылық - 2);
Түркия - 3 ұпай.

Айта кетейік, АҚШ құрамасы плей-оффқа бірінші орынмен шықты және 1/16 финалда Босния және Герцеговина командасымен ойнайды. D тобындағы басқа командалардың қарсыластары кейінірек анықталады.

Тунистің жарыс жолынан шығуы және Жапония мен Нидерландының плей-оффқа өтуі: ӘЧ-2026 матчтарына шолу