Мексика президенті Әлем чемпионаты символымен қызықты жағдайға тап болды

Мексика президенті Клаудия Шейнбаум әлем чемпионатының символдарының біріне айналған Мерлин есімді үйректі сипамақ болғанда, құс оны тістеп ала жаздады, деп хабарлайды Tengri Sport тілшісі The Sun басылымына сілтеме жасап.

Бұл қызықты оқиға баспасөз мәслихаты кезінде Мерлиннің мемлекет басшысымен кездесуінде болды.

Үйрек жиналғандардың таңданысына қарай президенттің өзіне жақындап келген, бірақ кейін күтпеген жағдай болды.

"Ол үйректі сипамақ болғанда, құс аң-таң болған саясаткерді шоқып алуға тырысты. Бақытқа орай, Шейнбаум қолын жылдам тартып алып, зардап шеккен жоқ", - деп сипаттайды БАҚ бұл сәтті.

Кейінірек Шейнбаум Мерлин үйрегі АҚШ, Мексика және Канадада өтіп жатқан футболдан әлем чемпионатының символына айналғанын атап өтті.

"Бүгін біз үйінде Мерлин үйрегін асырап отырған отбасын шақырдық. Себебі ол әлем чемпионатының нышанына, мексикалық отбасылардың құндылықтары мен болмысымыздың символына айналды. Бүгінде бүкіл әлем Мексиканы, ең алдымен, осы қырынан танып отыр", - деп келтіреді басылым президенттің сөзін.

Еске сала кетейік, Мексика құрамасы өз үйіндегі мундиалды қатарынан екі жеңіспен бастап, турнирдің плей-офф кезеңіне жолдама алған алғашқы команда болды.

Неліктен Мерлин үйрегі ӘЧ-2026 символына айналды?

Мерлин Мексика құрамасының формасын киген бейнероликтер сериясынан кейін футболдан әлем чемпионатының халықтық символдарының біріне айналды.

Сүйкімді құс өзінің жүрісімен және ерекше мінез-құлқымен әлеуметтік желі қолданушыларының назарын аударды.

Бұған дейін әлем чемпионатында Норвегия және Франция құрамалары мерзімінен бұрын плей-офф кезеңіне шыққан болатын.