+7 (777) 001 44
99
Бүгін, 9 қыркүйекте Портудағы (Португалия) "Драгау" стадионында алаң иелері "Порту" мен ағылшындық "Манчестер Сити" арасында матч өтті.
Кездесу Чемпиондар лигасының алғашқы туры аясында ұйымдастырылды.
Матч барысында "Манчестер Сити" шабуылшысы Эрлинг Холанд пен "Порту" жартылай қорғаушысы Пабло Росарио арасында текетірес туындады. Гол соғылғаннан кейін Холанд Росариомен қақтығысып қалды.
Осыдан кейін ойыншылар алаңда бір-біріне тап беріп, жанжалға басқа футболшылар да араласты. Төреші екі ойыншыға да сары қағаз көрсетті.
Холанд пен Росарио төбелесіп қалды!!
— TopCee (@UtdTopCee) September 8, 2026
Төрешіні ортаға алып қыспаққа салды 😭😭 pic.twitter.com/vRW6rKmI7O
"Порту" - "Манчестер Сити": тартысты матч
Ойын бастан-аяқ шиеленісті әрі қатал өтті. "Қалалықтар" допқа иелік етіп, гол соғатын мүмкіндіктер жасағанымен, алаң иелерінің қақпашысы Диогу Кошта өз командасын бірнеше рет құтқарып қалды.
Үзіліске таман жағдай тіпті ушыға түсті. Әуедегі доп үшін күрес кезінде ағылшын клубының қорғаушысы Марк Гехи Габри Вейгамен соқтығысып, "Порту" жартылай қорғаушысының беті жарылып, қан жоса болып жатып қалды. Төреші ағылшындыққа тіпті сары қағаз да көрсетпеді, бұл футболшылар мен трибунаның ашу-ызасын тудырды. Екі команда ойыншылары дәл алаң ортасында сөзге келіп қалды.
🚨Марк Гехи Габри Вейгаға қарсы мына фолы үшін ескерту алған жоқ pic.twitter.com/TzvX0CIFjP
— Polymarket Sports (@PolymarketSport) 9 қыркүйек, 2026 жыл
Үзілістен кейін, 47-минутта "Манчестер Ситидің" жұлдызды шабуылшысы Эрлинг Холанд аргентиналық Энцо Фернандестің пасын баспен соғып, есеп ашты.
Instagram-дағы бұл жарияланымды көру
"Порту" есепті теңестіруге тырысып, қауіпті сәттер жасағанымен, нәтиже болмады. Қосымша уақытта норвегиялық шабуылшы соңғы нүктені қойды - Райан Аит-Нуридің пасынан кейін ол екінші голын соқты.
Кездесудің қорытынды есебі - ағылшындардың пайдасына 0:2.
Instagram-дағы бұл жарияланымды көру
