+7 (777) 001 44
99
Қазақстандық қақпашы – 2026/2027 жылғы Чемпиондар лигасының ортақ кезеңіндегі еліміздің жалғыз өкілі. Ол бұл турнирде бүкіл "Сабах" командасымен бірге алғаш рет бақ сынайды.
Қазақстандық ойыншының алғашқы матчі екі жылдық үзілістен кейін Чемпиондар лигасына оралған "Манчестер Юнайтедке" қарсы өтеді.
"Сабахтың" соңғы ойындарына қарағанда, Покатилов бұл кездесуге негізгі құрамда капитандық белгімен шығуы мүмкін.
Қазақстандықтар бұған дейін де "Олд Траффордта" ойнаған: ол қалай болды?
Стас Покатилов Еуропадағы ең көне әрі әйгілі стадиондардың бірінде өнер көрсететін сегізінші қазақстандық ойыншы атанбақ. Бұл аренада алғашқы матч 1910 жылы өткен, ал сыйымдылығы 74 мың 310 адамды құрайды.
БАҚ мәліметінше, "Олд Траффордта" өнер көрсеткен алғашқы қазақстандық 1995 жылы белгілі болған. УЕФА Кубогының бірінші раундында волгоградтық "Ротор" "Манчестер Юнайтедпен" 2:2 есебімен тең түскен болатын. Сол кезде голдардың бірін қазақстандық Владимир Нидергаус соққан еді.
Бұдан бөлек, сол кеште алаңда тағы бір қазақстандық Сергей Жуненко болды.
2019 жылы тағы бес қазақстандық Еуропа лигасы аясында "Астана" сапында "Олд Траффордта" ойнады. Негізгі құрамда қақпашы Ненад Эрич, қорғаушылар Евгений Постников пен Дмитрий Шомко, сондай-ақ шабуылшы Роман Муртазаев шықты. Үзілістен кейін алмасуға тағы бір қазақстандық – Юрий Логвиненко қосылды.
Матч 1:0 есебімен алаң иелерінің пайдасына аяқталды.
Қазақстандықтың "Олд Траффордтағы" жаңа матчі: қашан көруге болады?
"Сабах" – "Манчестер Юнайтед" матчі 10 қыркүйек күні Қазақстан уақытымен 23:50-де басталады.
Ойынды тікелей эфирде Qazsport телеарнасынан, сондай-ақ арнаның сайтынан тамашалауға болады.
Instagram-дағы бұл жарияланымды көру
