Чемпиондар лигасындағы “Қайраттың“ соңғы қарсыласы анықталды

Фото © Tengrinews.kz / Болат Айтмолда

Швейцарияның Ньон қаласында қазақстандық "Қайраттың" қатысуымен Чемпиондар лигасының 2026/2027 маусымындағы іріктеу кезеңінің плей-офф сатысына жеребе тартылды. Алматылық клуб негізгі кезеңге жолдама алу үшін Грекияның "АЕК" командасымен кездесуі мүмкін, деп хабарлайды Tengri Sport.

Жеребе қорытындысы бойынша, "Қайратқа" ең қолайлы қарсыластардың бірі - грекиялық "АЕК" түсті.

Еске сала кетейік, Чемпиондар лигасының плей-офф кезеңіне өту үшін алматылықтарға екі матчтен тұратын текетіресте Болгарияның "Левски" командасын жеңу қажет. Алғашқы ойын ертең, 4 тамызда Софияда өтеді.

Бұл ретте қарымта матчті команда өз стадионында емес, Түркістанда өткізуге мәжбүр болады. Өйткені "Орталық" стадионда Канье Уэстің концерті жоспарланған.

"Үйде ойнағымыз келген еді" – "Қайрат" жұлдызы Канье Уэстке байланысты ЧЛ матчының басқа жаққа ауыстырылуы туралы

Өткен маусымда қазақстандық ұжым іріктеудің үшінші кезеңінде Словакияның "Слованын" қапы қалдырып, плей-оффта Шотландияның "Селтигімен" кездескен еді. Британдық клубқа қарсы екі матчте де "Қайрат" 0:0 есебімен тең түсіп, тартысты пенальти сериясынан кейін өз тарихында алғаш рет Чемпиондар лигасының жалпы кезеңіне шықты.

Фото: Трансляциядан скриншот

Бұған дейін алматылықтар Чемпиондар лигасының екінші іріктеу кезеңінде Кипрдің "Омониясына" қарсы ойында камбэк жасап, кейін Темирлан Анарбековтің екі рет сейв жасауының арқасында пенальти сериясында жеңіске жеткен болатын.

Қазақстан құрамасы қақпашысының бұл сәтті өнерін команданың бұрынғы қорғаушысы Самат Смаков стадионда болжап айтқан еді.

"Левскимен" болатын матчке келер болсақ, қазақстандық команда Болгарияға келіп қойды.