+7 (777) 001 44
99
Бокстан Қазақстан құрамасы Қытайдың Гуйян қаласында өтіп жатқан Әлем кубогі кезеңінің күндізгі сессиясын аяқтады, деп хабарлайды Tengri Sport.
Әлем кубогі кезеңінің жекпе-жектері үш сессияда өтеді: таңғы сессия Қазақстан уақытымен 08:00-де, күндізгісі 13:00-де, ал кешкі сессия 17:00-де басталады.
Instagram-дағы бұл жарияланымды көру
Таңғы сессияда қазақстандық 2 боксшы жекпе-жек өткізді.
60 келіге дейінгі салмақ дәрежесінде ел намысын қорғайтын Серік Теміржанов неміс боксшысы Дэнис Брильді айқын басымдықпен жеңді. Жекпе-жек төрешілер шешіміне дейін жетіп, 5:0 есебімен қазақстандықтың пайдасына аяқталды.
Ал 90 келіге дейінгі дивизионда сынға түскен Нұрбек Оралбай Оңтүстік Корея өкілі Гичшае Киммен кездесті. Бәсеке екінші раундта қазақстандықтың мерзімінен бұрын жеңісімен аяқталды.
Instagram-дағы бұл жарияланымды көру
Турнирдің алғашқы күні Қазақстан ұлттық құрамасының 11 боксшысы шаршы алаңға шығуы тиіс болатын, оның 6-уы ерлер, 5-еуі әйелдер құрамасынан. Алайда кейбір боксшы жекпе-жексіз турнирдің келесі кезеңіне мерзімінен бұрын өтті. Олардың қатарында:
Ерлер
- Санжар Тәшкенбай - 50 келі, ширек финалға өтті;
- Абылайхан Жүсіпов - 70 келі, 1/8 финалға өтті.
Әйелдер
- Алуа Балқыбекова - 51 келі, 1/8 финалға өтті;
- Назым Қызайбай - 54 келі, 1/8 финалға өтті;
- Виктория Графеева - 60 келі, ширек финалға өтті;
- Аида Әбікеева - 65 келі, ширек финалға өтті;
- Валерия Аксенова - 80 келі, жартылай финалға өтті.
Instagram-дағы бұл жарияланымды көру
Еске сала кетейік, World Boxing ұйымдастырған бокстан Әлем кубогінің екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.
Әлем кубогі кезеңіне қатысатын Қазақстан құрамасы
Ерлер
- 50 келі - Санжар Ташкенбай;
- 55 келі - Тимур Қабдешов;
- 60 келі - Серік Теміржанов;
- 65 келі - Санатәлі Төлтаев;
- 70 келі - Абылайхан Жүсіпов;
- 75 келі - Тимур Нұрсейітов;
- 80 келі - Сабыржан Аққалықов;
- 90 келі - Нұрбек Оралбай;
- 90 келіден жоғары - Айбек Оралбай.
Әйелдер
- 51 келі - Алуа Балқыбекова;
- 54 келі - Назым Қызайбай;
- 60 келі - Виктория Графеева;
- 65 келі - Аида Әбікеева;
- 70 келі - Лаура Есенгелді;
- 75 келі - Наталья Богданова;
- 80 келі - Валерия Аксенова;
- 80 келіден жоғары - Дина Исламбекова.
Instagram-дағы бұл жарияланымды көру
Головкин ресми түрде Бокс даңқ залына енгізілді
Бұған дейін бокстан әлем чемпионы Сәкен Бибосынов жаңа әскери шен алғаны белгілі болған.
