+7 (777) 001 44
99
Өткен аптада күрес федерациясында бірден үш жаңа вице-президент тағайындалды: кәсіпкер Ерсұлтан Бөбей, Қазақстан кубогінің екі дүркін жеңімпазы Әлібек Әбдіқасымов және Қуат Хамитов.
Тілшіміз федерацияның бас хатшысы Бекболат Нұрмамбетұлына хабарласып, жаңа вице-президент Хамитовқа қандай міндеттер жүктелетінін анықтады.
"Қуат ең алдымен грек-рим күресінің базалық балуаны, спорт шебері. Ол Алматы облысында күрескен, сондықтан осы өңірде туып-өскен азаматтың бүгінде туған өлкесіне пайдасын тигізуін орынды деп санаймыз. Оның беделі мен медиа танымалдылығы федерацияға, жарыстар мен спортшыларымызға қосымша назар аудартуға, жастар арасында күресті насихаттауға және аудиторияны кеңейтуге көмектеседі деп есептейміз", - деп атап өтті федерация өкілдері.
Бұдан бөлек, баспасөз қызметі Қуат кәсіпқой спортшы ретінде "үлкен спорттық және өмірлік тәжірибе жинақтағанын" еске салды.
"Ол спортшылардың психологиясын жақсы түсінеді және өз білімін жас балуандарға үйрете алады. Оның есімі кәсіпқой спортта кеңінен танымал, ал жекпе-жектері әрқашан үлкен қызығушылық тудырады. Соның ішінде жақында ғана өткен Арман Царукянмен белдесуі де жұрт назарын аударды. Таңдау жасағанда біз, ең алдымен, оның спортшылар арасындағы беделін, тәжірибесін және федерацияға пайдалы болу мүмкіндіктерін негізге алдық. Оның күш-жігері мен кәсіби тәжірибесі біздің команданың жұмысына жақсы серпін беретініне сенімдіміз", - дейді федерациядағылар.
Баспасөз қызметінің мәліметінше, Қуат вице-президент ретінде спортшылармен және жаттықтырушылармен өзара іс-қимыл жасап, күресті насихаттаумен және ілгерілетумен айналысады.
Instagram-дағы бұл жарияланымды көру
Хамитовтың өзі не дейді?
Жаңа қызметтегі міндеттері туралы сұраққа жауап берген Хамитов тілшімізбен әңгімелесу барысында негізгі мақсаттардың бірі – "күрестің ішкі мәселелерін шешу" екенін атап өтті.
"Біздің басты міндетіміз – күресті дамыту және болашақ Олимпиада ойындары мен әлем чемпиондарын дайындау. Жастарды ынталандырып, облыстағы инфрақұрылымды дамытамыз. Сонымен қатар күрестің ішкі мәселелерін шешеміз", - деді ол.
Қуат Хамитов деген кім?
38 жастағы спортшы Alash Pride, сондай-ақ WBK лигасының чемпионы ретінде танылды. Сонымен қатар Хамитов Fight Nights Global ұйымында өнер көрсетіп, чемпиондық атаққа таласқан.
Бұл ретте ол жас кезінде күреспен айналысқан, ал кейінгі жылдары RAF лигасында балуан ретінде бірнеше рет белдесті.
Сондай-ақ Қуат поп-MMA жекпе-жектеріне қатысып тұрады және БАҚ пен әлеуметтік желілердегі резонансты мәлімдемелерімен жиі назарға ілігеді. Мәселен, Хамитов қазақстандық футболды сынаған болатын.
“Қайрат“ Канье Уэстің концертінен кейін стадионға қатысты шешім қабылдады
Қуат Хамитов әлеуметтік желідегі видео үшін жазаланды
