+7 (777) 001 44
99
24 маусымға қараған түні Англия құрамасы L тобының екінші турындағы матчте Гана командасымен тең түсті, деп хабарлайды Tengri Sport.
Матч "Джиллетт" стадионында (Массачусетс, АҚШ) өтті.
Естеріңізге сала кетейік, бірінші турда ағылшындар Хорватияны жеңген болатын, ал ганалықтар Панамадан басым түсті.
Ойын барысы
Бірінші таймда Англия допқа толықтай иелік етті: көрсеткіш Гананың 22 пайызына қарсы 78 пайыз болды. Сондай-ақ ағылшындар африкалықтардың қақпасына 6 соққы бағыттады, бірақ оның ешқайсысы қақпа бағанасына дөп тиген жоқ.
Екінші таймда Англия басымдықты сақтауды жалғастырып, допқа иелік ету уақыты алдыңғы таймдағыдай болды. 13 соққы (4-еуі қақпаға тура бағытталған) жасалғанымен, ағылшындар Гана құрамасының қақпасынан саңылау таба алмады.
Айта кетейік, xG (күтілетін голдар) моделі бойынша матчте британдықтар 1,28 голға лайықты ойнаса, африкалықтардың көрсеткіші 0,29 болды.
Матчтің соңғы есебі — 0:0.
Instagram-дағы бұл жарияланымды көру
L тобының топтық кезеңінің шешуші турында Англия құрамасы Панамамен кездеседі, ал Гана Хорватиямен матч өткізеді. Кездесулер 28 маусымға қараған түні Қазақстан уақытымен сағат 02:00-де өтеді.
Мундиальдағы бұрынғы матчта Португалия құрамасы 5:0 K тобының екінші турында Өзбекстан командасын жеңген болатын.
Бұл кездесуде португалиялықтардың жұлдызды шабуылшысы Криштиану Роналду 2026 жылғы әлем чемпионатындағы алғашқы голын соқты.
