ӘЧ-2026 плей-офф кезеңінің тағы бір қатысушысы анықталды

Футболдан әлем чемпионатының K тобында Колумбия құрамасы Конго ДР командасын жеңіп, 1/16 финалға жолдама алды, деп хабарлайды Tengri Sport.

Футболдан әлем чемпионатының K тобында Колумбия құрамасы Конго ДР командасын жеңіп, 1/16 финалға жолдама алды, деп хабарлайды Tengri Sport.

Колумбия - Конго ДР матчы Қазақстан уақытымен 24 маусым күні таңертең Сапопандағы (Мексика) "Акрон" аренасында өтті.

Колумбия - Конго ДР: кездесу барысы

Колумбиялықтар фаворит ретінде кездесуді белсенді бастады және 6-минутта-ақ конголықтар қақпасына алғашқы гол соғылды. Алайда Муньостың голы офсайдқа байланысты есептелмеді.

Екінші таймда Луис Диас ереже бұзылғаннан кейін тағы екі гол соқты, бірақ олар да жоққа шығарылды.

Дегенмен 76-минутта Муньос допты қақпаға дұрыс бағыттап, есеп ашылды.

Қорытынды: Колумбия 1:0 есебімен жеңіске жетті.

Колумбия плей-оффқа шығып, Өзбекстанға мүмкіндік сыйлады

Еске сала кетейік, колумбиялықтар алғашқы матчте Өзбекстан құрамасын 3:1 есебімен жеңген болатын, ал қатарынан келген екінші жеңіс оларға плей-офф кезеңінен орын берді. Бұған дейін топтан немістер, аргентиналықтар, мексикалықтар мен американдықтар, сондай-ақ Франция және Норвегия құрамалары мерзімінен бұрын шыққан еді.

Португалия командасына қарсы сенсациялық тең ойыннан кейін конголықтарға топтан ерте шығып қалу қаупі төнген жоқ, бірақ енді оларға Өзбекстан құрамасын міндетті түрде жеңу керек.

Бұл ретте өзбекстандықтардың да топтан шығуға теориялық мүмкіндігі бар. Соңғы матчта Конго ДР-ын жеңген жағдайда, олар үшінші орынға көтеріліп, турнирдің басқа топтарындағы үшінші орын алған командалармен қосымша көрсеткіштер бойынша плей-офф жолдамасына таласады.