Футболдан әлем чемпиондары бас бапкерге қатысты шешім қабылдады

Фото: thenews2.com/depositphotos.com

Испания королдік футбол федерациясы ұлттық құрама бас бапкері Луис де ла Фуэнтемен келісімшартты тағы алты жылға ұзарту туралы шешім қабылдады, деп хабарлайды Tengri Sport Испания құрамасы баспасөз қызметіне сілтеме жасап.

Енді маманмен жасалған келісім 2032 жылға дейін жарамды болады. Осылайша, тәлімгер команданы алдағы екі Еуропа чемпионатына, сондай-ақ 2030 жылғы Әлем чемпионатына дайындайды.

Луис де ла Фуэнте деген кім?

65 жастағы маман Испания құрамалары жүйесінде 2013 жылдан бері жұмыс істеп келеді. Ол кезде U-19 командасын басқарып, оны жасөспірімдер арасындағы Еуропа чемпионатында жеңіске жеткізді.

Содан кейін ол қысқа уақыт U-18 командасына ауысты, бірақ 2018 жылы 21 жасқа дейінгі құраманың бас бапкері болып, оларды тағы Еуропа титулына бастап барды. Осыдан кейін ол ұлттық құрама бас бапкері міндетін атқарушы ретінде бағын сынап көрді, ал 2023 жылдың 1 қаңтарынан бастап Луис елдің басты құрамасын толықтай тізгіндеді.

Испания құрамасымен бірге Де ла Фуэнте Еуро-2024 пен Ұлттар лигасын жеңіп алды, ал 2026 жылдың жазында Әлем кубогін төбесіне көтерді.

Instagram-дағы бұл жарияланымды көру

RFEF (@rfef) жарияланымы

Испания 2026 жылғы Әлем чемпионатында

Еске сала кетейік, Испания құрамасы 2026 жылғы Әлем чемпионатын Кабо-Верде командасына қарсы ойындағы тең есеппен бастаған болатын. Осыдан кейін команда әр матчте, соның ішінде қазіргі титул иегерлері - Аргентина құрамасына қарсы финалда жеңіске жетті.

Нәтижесінде жүлде тағдырын 106-минутта Ферран Торрес соққан гол шешті. Испаниялықтар екінші рет әлем чемпионы атанды.